السلام عليكم ورحمه الله بوركاته

الفيديو نزل ع قناتي اخيرا ، حبيت يكون شي بسيط واللقنت وينفع لنهار العيد او اي مناسبه بشكل انيق ومو متكلف ، اهم شي قبل اي مناسبه سوي سكراب او تقشير لبشره وجهك بشكل عميق باي ماسك يناسبها ورطبيها بماسك عشانالميك اب يطلع جميل ونظيف ، واهم نقطه بعد وبر الوجهه يفضل انك تشيلينه بموس او اذا حابه فتله او واكس جربي قبلها باسبوع عشان مايحبب بشرتك او اذا فيه اي حروق امداها تخف، اخليكم مع الفيديو والمنتجات كلها تحت مع روابط توصل لسعوديه وتدعم الدفع عند الاستلام .



استخدمه ماسك الهينالايان من بودي شوب الماسك يقشر الوجهه وينظفها بشكل عميق تحصلونه في محلات بودي شوب بسعر ١٢٥ ريال
مرطب الوجه من كيلز للبشره المختلطه والدهنيه سويت عنه ريفيو كامل هنا
برايمر من ديور اسمه DIORSKINFOREVER & EVER WEAR البرايمر هذا مناسب لجلسات التصوير الطوييله من هنا ب٢١٠ ريال من موقع وجوه يوصل لسعوديه ويدعم الدفع عند الاستلام .
فونديشان kiko Universal fit hydrating foundation للاسف مافيه موقع يوصل للسعوديه تحصلونه بمحلاتهم باوربا او بالامارات .


بالت كونسيلر وكوركتو من M.A.C بدرجه DARK MEDIUM من هنا تقدرين تطلبينه و يوصل لبيتك بسعر ٢٣٧ريال

كونسيلر نارس اشهر منتج عندهم و الاكثر مبيعا ، واقولكم من الحين المنتج يستاهل كل كلمه بحقه ، بما انه موسم اجازه وسفر وزواجات بكتب ريفيو عن منتج يستاهل انك تشترينه للصيف تغطيته وثباته رائع .




وصف بموقع نارس : خافي عيوب كريمي قادر على تغطية العيوب بشكل فوري ، عاكس للضوء يعطي ليونه و نعومه لسطح الجلد ، مناسب لجميع أنواع البشرة ، يخفي علامة تقدم السن و الخطوط الدقيقة و الهلالات السوداء ، سلس الاستخدام  ، طبقة خفيفة من المستحضر تعطي تغطية متوسطة إلى كاملة  قابل للبناء بشكل طبيعي ، خالي من بارابين و كبريتات و الفثالات غير مسبّب للرؤوس السوداء. كما أنّه خالٍ من الكحول والعطور .

السلام عليكم ورحمه الله وبركاته

اليوم بحكي عن منتج وصلني وحبيته من اول استخدام وهذا الشي نادر يصير ، من جد يستاهل كل المدح من اليوتيوبر مايا احمد ، زبده الشيا انتشرت الفتره الاخيره بشكل مو طبيعي ومو كلها طبيعيه وبعضها يضر اكثر من انه يفيد بسبب المواد الكميائيه المضاف له او بسبب التكرار للزبده او تسبب حساسيه بسبه العطور المضاف لها لانه زبده الشيا الصافيه ريحتها شينه نوعا ما  ، بس الزبده اللي بحكي عنها اليوم طبيعيه مو مكرره اهم شي ومضاف لها فايتمن وزيوت عطريه تعطي ريحه مميزه لكل نوع من ال١٢ جره .




زبده الشيا الطبيعيه لها فوائد تجميليه وعلاجيه مثل تعالج الاكزيما وطفح الجلد وعلامات تمدد الجلد والندوب ولدغ الحشرات والحروق ، بالنسبه للتجمليه فمعروف انها تحفز الكولاجين بالبشره ومع الوقت تفتح المنطقه والترطيب يقلل من لتجاعيد ، بالنسبه للشعر فهي تعتبر بلسم للشعر ولفروه الراس الملتهبه ، وبالنسبه للرموش هفي تزيد من سماكتها وطولها وهذا الشي كل البنات يبونه بس اهم شي تكون طبيعيه بدون اي اضافات كميائيه مثل زبده شيا جار ، واللي تعاني من الهالات بيخفف منها بسبب فايتمن e الموجود بالزبده و الاظافر لها نصيب يحميها من التكسر ، هذي النتايج كلها تجي مع الاستمرار ولازم تكون اصليه وطبيعيه مو مكرره ولا مضاف لها شي كميائي ، يعني لازم تنقين الزبده ممن مكان متخصص مثل براند شيا جار الزبده مو مكرره يعني مو مهدرجه او مضاف لها روائح كميائيه ، لا كله طبيعي حتى الرويح المضاف لها هي زيون عطريه طبيعيه .

جاتني قبل شهرين تقريبا سله فيها ثلاث جرات باجمل تغليف ، كلها بريحه بودره الاطفال تجنننننننننن ، الزيده تذوب ع طوللللل اذا دفيتيها بيدينك ، ماتدبك ابدا ابدا ابدا ابدا ع طول الجسم يتشربها ، ترطب وتعطي لمعه حلوه للجسم وريحه حلوه ، وفوق ذا البكجنق يقتل ويساعد مرره ، تقدرين تحطينه باي مكان شنطه تسريحه حجم مرره مناسب .

نجي للنتايج الترطيب مره حلو ، بالنسبه للبقع او الاثار خفف منها خاصه منطقه حد الكعب من ورا في رجلي (ماقد جربت كعب حلو مايجرح ) خفف منها مرههه  ، تقريبا جره وحده كفت لجسمي شهر كامل ، استخدمته ع شعري بعد الشامبو زي الماسك ، اللي لاحظته رطب شعري مرره  بس الفروه مانسبتها كثير دهنت بزياده لانه فروه شعري خلقه دهنيه ، فققرت استخدمه بس ع الاطراف .

نجي لاهم شي بكم ومن وين ... بكم يختلف  حسب الريحه او الزيت العطري المضاف له ، هم ١٢ نوع ١٠ منهم ب١٧ دولار (تقربلا ب٦٥ ريال) اللي هم (ريحه بودره الاطفال - ياسمين - لافندر- باتشولي - شجره الشاهي الاخضر- فانيلا -البرتقال الحلو -الليمونيه -غرنوقي ) فيه كم نوع مو موجود بالموقع ينباع بالبوتيك او بحسابهم ع الانستا ، ونوعين ب٢٧ دولار (تقريبا ب١٠٣ ريال) اللي هم (عود - مسك) .

تقدرون تطلبونها من الموقع هنا او من حسابهم ع الانستاقرام

بسم الله الرحمن الرحيم

اليوم بتكلم عن منتجات ماركه مظلومه اعلاميا بس منتجاتها تنافس كل البراندات وتطرح نفسها بقوه بالسوق ، منتجات خبير التجميل بسام فتوح ، المميز فيها انه الجوده والثبات بالضبط زي ما يحتاجها اي خبير تجميل لانه المشرف ع الماركه خبير التجميل بسام فتوح بنفسه ، شفتوا لمساته بمنتجاته ع كثير من الانيقين من المشاهير مثل هيفاء وهبي ، نجوى كرم و يارا ..الخ


بحكي اول عن مجموعه الاكحال الفاتحه داخل العين ماحصلتها بموقع بسام فتوح للاسف ، انا اخذتها من وجوه اللي بالامارات مول كانت علبه تحتوي ع اربع درجات من الاكحال (ابيض - وردي فاتح - بيج - بيج ع اصفر) ، المنتجات حلوه لونها واضح  حبيت اكثر شي وانسب شي ع العيون عشان تعطي وحي بكبر العين الكحل بالون الوردي الفاتح اسمه DESERT ROSE  واللون البيج ع اصفر ACID YELLOW افضل اثنين صراحه ، لانه اذا اخذت شي ع ابيض بيخلي لون البياض اللي بعينك ع اصفر شوي وراح يبين الكحل الابيض بشكل واضح جدا عكس الالوان الورديه و البيج اللي الصفار بتبان طبيعيه وبتكبر عينك بدون ما تبهتها ،  المنتجات مو ضد المويا فاللي تدمع كثير ماراح يناسبك ، بس مع ذالك ثباتها طويل بالنسبه للباكجنق زي اي كحل عادي مو اتوماتك فاتحتاج لبرايه .


روج مع بلسم كاتبين عنه في موقع بسام فتوح "احمر الشفاه ياتي ب١١ لون يناسب جميع انماط حياتك  ، استمتعي باحمر الشفاه الجميل دون التشقاقات وجفاف ، احمر الشفاه يمنحك مطهر غير لامع او شبه مطفي او لامع مع شعور مخملي مكثف ، بخطوه بسيطه واحده ، يحتوي على فايتمن E يغذي شفاتك من الداخل بينما يزينها من الخارج لمده طويله ، بينما يحتوي بلسم الشفايف على مستخلصات زيت اللوز الحلو  لترطيب وإطالة اللون الحقيقي. "

تجربتي
الروج يجنن درجته تناسب الحنطيات او اللي مسوين برونز اسمها Chicago ماتنشف الشفايف مع انها مطفيه استخدمتها بدون البلسم او المرطب اللي يجي معه ، يعطيك لوك مخملي مو مطفي وبس لا ، شفتو كيف اروج هدى بيوتي كيف نفس الفنشنق كذا مخملي بس مو ثقيل حفيف ع الشفايف ، لاحظت ان ريحه الروج مميزه حلوه كانها حلوى ، بالنسبه لتغليف يجنن وانيق وحبيت انه فيه مرايه صح مو كبيره بس ع الاقل تسعف ، بالنسبه للبلسم او المرطب ترطيبه حلو وسريع الامتصاص اذا استخدمتيه قبل الروج ، واذا حطيته بعد الروج يصير الروج قلوسي يلمع بس بشكل حلو مافيه سباركلز ،   .

تناسب لاغلب اذواق البنات لانه الروج لحاله مطفي ، اذا حطيتي فوقه البلسم يصير قلوسي فايناسب جميع الاذواق .


البلشر من موقع بسام فتوح واصفينه " تجربة غنيه ، تألق الطبيعي وتوهج سريع ، احمر الخدود اللامع الدسم يقبل خدك باشراق فوري وانيق ، يندمج وينخلط بسهوله مع البشره من دون الحاجه للدمج ، مكوناته طبيعيه تقلل من تاثير الضار على البشره ، يجعل بشرتك تتنفس بينما يزينها ويجعلها مثاليه "

تجربتي
مغرمه بالدرجه ROSE GOLW ، مناسبه لكل اللوكات مابين اللحمي والبنك مع شويه سباركلز ، فيها شي حلو انه اللون مايتكتل ويبقع لانه ناعم ، بس اذا تبين اللون يبان واضح تحتاجين انك تحطين كذا طبقه ، ولاتخافين ماراح يكتل لان البودره ناعمه جدا وماتكتل ، واللي زاد اعحابي فيها انه من مكونات طبيعيه يعني مابتضر البشره زي البلشرات الثانيه اللي كلها مواد صناعيه ، بالنسبه للثباتها يعتبر متوسط يجلس من ٤-٥ ساعات ، لها ريحه بسيطه بسيطه مرره فاللي بشرتهم حساسه بيناسبكم لانه من مكونات طبيعيه ،  الباكجنق جميل وفيها مرايه حجمها حلو .


تقدرون تشترونها من موقعه الرسمي هنا او من عند بوتيكاته بالخليح .

السلام عليكم ورحمه الله وبركاته
بالت كونسيلر وكوركتو من M.A.C بدرجه DARK - MEDIUM (من هنا تقدرين تطلبينه و يوصل لبيتك بسعر ٢٣٧ريال ) استخدمه كاكنتور
قلم الحواجب من M.A.C بللون  VELUXE BROW LINER BRUNETTE (من هنا تقدرين تطلبينه و يوصل لبيتك بسعر ١١٥ريال )