نجي الحين للاكل ، المطعم متخصص في المشاوي التركيه بس بطريقه جديده ، يعني تركي بس بشكل الستيك والبرقر والساندوش الامريكي .

المنيو مافيه تنوع كثير ، كله لحم غنم وبقر ، ويمكن بس طبقين دجاج وسمك وع حظ اختي ماكنوا متوفرين ، هذا الشي اللي ماحد ذكره من قبل في بوست ، فاللي ماياكلون لحم مانصحهم بالمطعم ابدا لقلة تنوعه .

طلبنا كم ستيك واصياخ وبرقر، واغلبها كانت اقتراحات النادل لانه اول مرره نزوره ، الندال في المطعم اتراك مايتكلمون الا تركي وانقلش، وتقريبا جلسنا نتظر الاكل 30 دقيقه .

Asado Short Ribs

الحم لحم غنم كان طازج وطري كانه قطنه تقدم مع بطاطس مبهره ، لذيذ بشكل يخليني وانا اكتب التدوينه اجوع ثاني .

Sultan's Lokum Burger

برقر لحم بقري ، مغطى بالجبن وشرائح المدخن والمشروم ، جميل البرقر للي مايحب ياكل ستيك او مشاوي ، طعمه رائع ذكرني بتشيك تشاك .

Sultan's Shashlik

لحم ظان مشوي ، عادي كان مو واو ولا شين .

ومن جد ريحه الاطباق خلتنا ناكل وننسى التصوير وماقدرت اصور الا كم طبق قبل مايقضى عليه ، بعدها قدموا الشاهي التركي والحلى .

والمفروض انه نطلب بقلاوه وفطيره التركيه بس للاسف البقلاوه ماكانت متوفره واكتفينا بالفطيره ، هي عباره عن فطيره مع الايسكريم التركي ، والنادل يستعرض بطريقه تقديمه للفطيره بشكل جميل يعني حق تصوير سناب ، الفطيره تقتل تقتل تقتل تقتل تقتل تقتل تقتل تقتل تقتل تقتل تقتل (وصلت المعلومه) ، شي يذوب بالفلمم وانتي تذوبين معه .

المطعم رائع جدا ، واكله لذيذ بشكل ، خاصه لمحبين المشاوي ، والفطيره اكثر شي انصح فيه ، بالنسبه لسعره مبالغ شوي ، بس لان المطعم راقي وفايف ستارز فمعذور .

هذا حسابهم في الانستقرام سلطان ستيك هاوس (اضغطي ع الاسم وراح ينقلك لصفحه)