How to order from Colour Pop / كيف تطلبين من موقع كولور بوب
السلام عليكم ورحمه الله وبركاته
نكمل سلسه الطلب من الانترانت وذي المره من موقع كولور بوب ، الماركه غنيه عن التعريف ، امريكيه حديثه العهد ، واهم شي شعارها مايحتاج تسرقين بنك عشان يكون عندك ميك اب فخم وجميل .
اسعارهم مابين 4 -6 دولار يعني تقريبا 15- 24 ريال سعودي للمنتج مو اكثر ، بنسبه للمجموعه او الكولكشن تتراوح مابين 20 - 35 دولار يعني 130 ريال وغالب تتكون من 5 منتجات .
شايفين كيف الفرق بين السعر الاصلي وسعر التاجرات !!
يلا نبداء
------------------------------------------------------------------------------------------------------------------
نفتح موقع كولر بوب من هنا Colour Pop (اضغط ع الرابط وراح يفتح لك الموقع)
الموقع مرتب بشكل يسهل عليك الاختيار ، خاصه بعد ماضافوا منتجات الحواحب والكنتور الجديده للماركه .
الحين كل اللي عليك تختارين وش تبين ، تبين ارواج اختاري Lips تبين شادوهات تبين حواجب .. الخ ، عني انا اول مادخل احب اشوف الافضل مبيعا اول شي .
بس اول بقولكم وش الفرق بين كل نوع من منتجاتهم لانها شوي معقده خاصه الشدوهات .
شدوهات satin يجمع بييين المطفي واللمعه تقريبا 80% مات و20% لمعه .
شدوهات satin luxe شدوهات فيها لمعه اكثر من satin .
شدوهات Matte هذا النوع خالي من اي لمعه ممتاز لعظمه الجفن .
شدوهات Metallic هي اللوان معدنيه تعطي لوك مائي فيها لمعه بس مو قلتر لا تحسينه لمععه كريميه احب ذا النوع لو تحطينه لحاله يبان فخم وتعبانه عليه .
شدوهات Ultra-Metallic نفس الشدوهات المعدنيه بس اكثر بيقمنت ولوك مائي .
شدوهات pearlized عباره عن شدوهات قلترر قلترر .
شدوهات pressed pigment الوان فاقعه.
---------------------------------------------------------------------------------------------
نجي لعمليه الشراء الحين
نروح لاي منتج ونختاره ، كل اللي عليك تضغطين ع صوره المنتج وراح ينقلك لصفحه تحصلين فيها كل المعلومات
بس تضيفينه لسله الشراء راح تطلع لك مسج اعلى الصفحه انه تمت الاضافه
وبس نخلص من التسوق نضغط ع VIEW CART وراح تطلع صفحه فيها قائمه بكل المنتجات اللي اخترتيها ، والقيمه النهائيه ، واذا بتكنسلين شي كل اللي عليك تضعطين ع الاكس بجنبه وراح يتكنسل من سله الشراء .
كل اللي عليك الحين تضغطين ع PROCEED TO CHECKPOT علشان تعبين عنوانك ، بس لازم يكون عندك بريد امريكي ، ولانه البريد السعودي يمنحك بريد سعودي وامريكي وبريطاني اذا سجلتي بواصل عالمي مجانا ، وهذا الشي مرره حلو وممتاز ، وعشان تسجلين بالبريد هذا فديو يوضح كيف
بالنسبه للموقع راح تعبين بيانات والاسم لبريدك الامريكي ومن البريد الامريكي راح يرسلونه لك لسعوديه
واخر شي نعبي الفيزا ، بالنسبه للفيزا يقبلون الفيزا السعوديه بسهوله وبدون اي تعقيد
بعدها راح يطلعلك صفحه جديده انهم استقبلوا طلبك وبيجهزونه بعد تاكيد سحب المبلغ
وبعدها راح يرسلونك اميل انه تاكد الطلب وانهم راح يستغرقون 2-3 ايام عشان يجهزون الطلب ومن بعدها يشحنونها لبريدك وراح يستغرق من 3-5 ايام لين يوصل بريدك الامريكي .
بالنسبه لشخن من كولور بوب للبريد الامريكي مجانا اذا كان اجمالي الطلب 20 دولار
--------------------------------------------------------------------------------------------
انا استغرقوا اسبوعين لين جهزوا الطلب لاني كنت طالبه كميه كبيره ، واستغرقوا تقريبا 5 ايام لتوصيل لبريدي الامريكي ، ومن البريد الامريكي لبريدي السعودي اخذ اسبوع تقريبا .
جوا البوكس راح تحصلين كم بطاقه من كولر بوب وفاتوره ومنتجاتك
وبكذا خلصنا الطلب
اي سؤال اكتبيلي بالكومنت تحت .
