Kerarganic Therapy for Hair / معالج كيراتين كيرارجانيك الاورجانيك للشعر
السلام عليكم ورحمه الله وبركاته
اليوم بتكلم عن تجربتي مع الكيراتين ، فيه تدوينه قديم كتبت تجربتي مع الكيراتين ومن كثر ماعجبني سويته فوق الست مرات ، وكل مره اسويه يصير شعري احسن من الاول ، واكثف لانه يغنيني عن السشوار والحراره ، ويزيد لمعانه بشكل حلو .
ذي المره سويت نوع جديد من الكيراتين اسمه Kerarganic غير GKhair اللي كنت دايم استخدمها .
بقولكم ليش غيرت لكيراتين كيرارجانيك العضوي الخالي من الفورمالدهيد ، وهل يستاهل المدح اللي جاه او لا ؟
اول شي منتجات كيرارجانيك تجمع بين الكيراتين الطبيعي وزيت شجره الارجان المغربي ، ومستخلصات طبيعيه عضويه ومجموعه من الامينيه الاساسيه والاحماض الدهنيه والفايتمنات
يعتبر كيراتين كيراجانيك العضوي جيل الجديد في علاج الشعر و يعرف ايضا بأسم العلاج بالكيراتين البرازيلي ، او الفرد البرازيلي مع الاختلاف انه لا يحتوي علي مادة الفورمالدهيد او فورمالين او اي ألدهيد او امونيا ، عشان كذا مايطلع منه اي ابخرة سامة او ريحه كريهة او يحمر العين او حساسية بالجلد ، يعني امن ولا يسبب اي امراض باذن الله ، ومن جد اول مابدت تستخدم الحراره ع شعري البخار كان قليل ومايعور العين ولايكتم عكس الكيراتين العادي .
يعني يمكن اي حوامل او مرضعه تستخدمه لانه خالي من الفورمالدهيد او ألدهيد او الامونيا او اي مواد كيماوية ثانيه تضرها او تضر البيبي .
قررت اجربه لانه كثير مدحوه وخاصه انه خالي من اي فورمالدهيد وان الكيراتين اللي فيه نسبه فورمالدهيد يسبب امراض لجهاز التنفسي بسبب الابخره يعني زي التهابات شديده بالرائه او القصبه ويمكن سرطان (مع العلم اني سويته فوق السته مرات خلال سته سنوات ولا مرره جاني مرض والحمدالله او سمعت احد اعرفه جاها مرض بسبب هذا الشي ، والاغلب يقصدون مصففين الشعر لانهم يتعرضون لها شبه يومي )
بالنسبه للخطوات كيراتين العضوي شبيها تماما بالكيراتين العادي الا الخطوه الاخيره وهي حسب نوع شعرك وشطارت الخبيره ، وهي وقت غسل الشعر ، في الكيراتين العادي كنت خلال الثلاث الايام الاولى ارجع للصالون واسويه بالاسترينر وفي اليوم الرابع مسموح لي اغسله ، بس الكيراتن العضوي يعتمد ع شعرك تقدرين تغسلينه بعد 20 دقيقه اذا كان سمك الشعر خفيف او بعد يوم اذا كان غليظ .
والنتيجه بكل الاثنين يبانون بعد الغسل ع طول مايحتاج اي جلسه ثانيه .
نجي لنسبه الفرد ، الكيراتين العادي كان يفرد سعري بنسبه 100% لانه كانت نسبه الفرد فيه عاليه ، يخلي شعري كاني مستخدمه جهاز السترينر ، مفرود بدون ولا طعجه ، وكان يجلس ومايروح ، كانت الجذور هي اللي تحتاج ارجع اسويلها فرد كل ماطول شعري ، بالنسبه للعضوي فنسبه الفرد فيه 80% مافرد شعري كليا بس فرده بشكل حلو وطبيعي وفيله كم طعجه بس كانه شعرك اصلا ناعم مو مستخدمه عليه اي شي ، بس مشكلته انه مايطول ابدا يعني انا لس شهرين من اول ماسويته وبدت كم خصله ترجع كيرلي بس كيرلي مو واضحه مره ، يعني الكيراتين العضوي يفقده الشعر بعد فتره ، ويرجع شعرك لطبيعته ، عكس العادي يجلس ومايروح وبس الجذور هي اللي تطلع وتحتاج ريتاتشنق .
كيف يفرد الشعر وهومافيه فورمالدهيد ؟ الشركه استبدلت مادة الفورمالدهيد بمجموعة عضوية من مادة oxoacetamide carbocysteine مع oxoacetamide الاحماض الامينيه ..
( ويتم تفعيلها حراريا بواسطة المجفف الحراري اثناء تجفيف الشعر من المنتج ، و بهذا يتم تثبيت الكيراتين علي جذع الشعرة و بالتالي يؤدي الي فرد الشعر)
المفروض ان الكيراتين العضوي يجلس بشعرك لفترة مابين ثلاثة اشهر او أكثر ، وهذا برضوا يعتمد ع شعرك ، و عليك انتي ومدى اهتمامك بشعرك بعد العلاج، يعني كم مره غسلتي الشعر او تستخدمين الشامبو والمجموعه الخاصه فيه او لا ...الخ
هنا كم نصيحه عشان يطول معك المعالج :
استخدمي فقط وفقط منتجات المجموعه بس ، الشامبو البلسم والماسك اهم شي لا تستخدمين اي شي غيرهم
ممنوع انك تنزلين في البحر او مويه المسبح بسبب الكلور لانهم يتعارضون مع الكيراتين
قللي من استخدام الحراره (نادرا مااستخدمتها)
تقدرين تسوينه ثاني بعد 3 أو 4 شهور، حسب نوع شعرك ، ويمكن يتسوى كل شهر للشعور المتعبه جدا ، وبالنسبه للصبغه تقدرين تصبغين بعده ع طول بس الافضل انك تستنين مده اسبوعين لثلاث اسابيع .
فيه شي لازم اقوله ان الصيغه لازم تكون بعد المعالج لانه المعالج سواء كان العادي او العضوي راح يقلب الصبغه ع اورنج ، انا كنت صابغه من سنه وشي بني غامق جدا و ماكان مبين ابدا وبس حطيت الكيراتين قلبه ع اورانج
بالنسبه للمعان كل النوعين يعطون نفس النتيجه ، لمعان يفتح النفس صحي صحي صحي .
الشامبو والبلسم مع كل غسله لازم تستخدمينه و الماسك مره لمرتين بالاسبوع
وهنا صوره لقبل وبعد (اول ماسويت المعالج)
