REEM BLOG

السلام عليكم ورحمه الله وبركاته 

اي وحده تفكر تشتري البلشر Le Prisme Blush من جيفنشي بليز فكري ثاني

 if you think you want buy Givenchy Le Prime blush plz think again

البلشر هذا اسوء بلشر جربته في حيياتتتي كلها ، معتوه حقيقي ماادري كيف اخذته ، شفته ٤ اللوان مع بعض وشكلها جميل وحجمه مناسب جدا لشنطه الميك اب او الكوتش ، وصراحه كان فيني اكتئاب والعلااج الوحيد اني اتسوق

وصف البلشر في موقع وجوه انه لو بريسم بلاش، ينساب فوق بشرتك مثل الوشاح الحريري، وذلك بفضل تقنية جيفنشي الحصرية لتفتيت البودرة، وهي عملية يتم فيها طحن البودرة إلى جزيئات صغيرة تتساوى جميعها في الحجم والشكل وذلك لتعطي نتائج أكثر كثافة وتألق بل ونابضة بالحياة، تأتي مجموعة لو بريسم داخل علبة مضغوطة ذات تصميم خيالي وبديع ولها غطاء يكشف عند فتحه عن درج يحتوي على البودرة بالإضافة إلى المرآة والفرشاة.

جوده البلشر 
جودته ضعيفه وسيئه بنسبه لاسم ماركه عريقه مثل جيفنشي ، يعني لو اقول انه من ماركه توها باديه وسعره مايتعدى ال٢٠ ريال كان مااستغربت ، بس جيفنشي وكذا !!!
امرر الفرشه فوقه واستخدمها ع وجهي مافيه لون ، امرر الفرشه مرتين وبعد لسه مافيه لون مبين ع خدي !!! يمكن لين رابع مرره وضح اللون ، فوق ذا كله ماكملت نص ساعه والا والبلشر مختفي لونه من خدي ، بس الحق ينقال البلشر ناعمم ولما يبان ع خدي (بعد طلعت روح) يبان طبيعي جدا ، مايبان شكل البودره ابدااا تقريبا هذا الخاصيه نادرا اشوفها في الماركات حتى ماك احيانا ماعنده ذي الصفه.


استخدام البلشر 
استخدامه جدا صعب ، لو ابي لون معين ماراح يزبط مع فرش البلشر لانها كبيره وراح تمر فوق كل الالوان تقريبا ، واذا استخدمه فرشته اللي جايه معه ماتزبط بعد لانه نحيفه مثل فرش الهايلايت (المروحه / fan brush)
في النهايه اكتشفت اني ماقدر استخدم لون واحد لازم استخدمهم كلهم.


تغليف البلشر 
التغليف يعتبر من الاسباب الرائيسيه اللي خلاتني اشتريه تقريبا ، بوكس صغير يجنن يحتوي ع المرايه وفرشه وفوق ذا حجمه يخرفن ، وجواته ٤ اللوان يعني يعتبر صفقه حلوه بس للاسف ليتني وفرت فلوسي .

الوان البلشر 
الالوان عموما متجانسه مع بعض ، مافيه لون شاطح او غريب ان كنت مختاره الورديات الفاتحه ، وفيه اللوان كثير من اورنج لبرونز ودرجه الموف تقريبا اتوقع موجود فوق ال٦ بوكسز ، بس عيبها ان جودتها سيئه .

Blush color 



عموما ماانصح فيه بس اللي تبي تحصله في كورنور جيفنشي بسعر٢١٠ريال
اللي حابه تشتريه تحصله في موقع وجوه (اظغط ع وجوه وراح ينقلك للصفحه) 

i do not recommend it but if you like it you can buy it from givenchy corner by 210 rs

السلام عليكم ورحمه الله وبركاته 

الترطيب شي اساسي للبشره ، مهما كان نوعها حتى لو انها سوبرررر دهنيه ، خاصه مع جونا والحرر لازم نعوض نقص المويه بالجسم والبشره ، اللي يستهنون بخطوه الترطيب راح تفقدون الكلوجين وتظهر التجاعيد بعمر مبكر يعني يمكن ببدايه الثلاثين وتطلعلك تجاعيد الخمسين بسبب نقص الكولجين والترطيب .

المرطبات لهم ثلاث انواع ، حسب حاجه البشره ونوعها :
1- اللوشن" lotion " : أخف مستحضرات الترطيب حيث يقوم بشكل أساسي على الماء، ويعتبر من أفضل الأنواع للبشرة الدهنية لأنه يحتوي على عناصر ترطيبية خفيفة.
2- الكريم " cream" : يحتوي على مواد ترطيب أكثر تركيزا من اللوشن ويناسب البشرة العادية والمختلطة.
3- المراهم " ointment": عالية الكثافة وتناسب تماما البشرة الجافة أو التى تعاني من التشققات أو الإلتهابات.

moisturizing scan is one of importing thing in beauty world , for all scan type even the oily ones , especially in meddle east because of the weather , heat , sun and the lack of hydration cause a lot of damages to your skin like early wrinkles .

 There are three types of moisturizers , it depend on skin type :

1- lotion : really light wight moisturizer , component of water , so it is good choice for oily skin.

2- cream : it is more concentrated  then lotions and it is good for normal skin .

3- ointment : the most concentrated one , it is the one for dry skin .

فبحكيلكم عن كريم مرطب للبشره العاديه للدهنيه مره مره بطل

المرطب هذا استخدمه يوميا لي اكثر من 3 شهور تقريبا شريته مع غسول وتونر ومرطب و السيروم الليلي وكريم للعين ، ماركه كيهلز كان عليها دعايه مو طبيعيه ، كل البلوقر والفاشنيستا سولها دعايه مبطنه ، يعني من تحت لتحت ، وانها تخرفن وحل للبشره المثاليه ، بس للاسف طلع الموضوع كله دعايه ، وان الشي الوحيد الحلو في المجموعه المرطب هذا ، انا مو جالسه اتكلم عني بس ، هذا راي اغلب البنات اللي استخدموا منتجاتهم بعد مامدحوها البلوقر والفاشنيستا ، فدايما حاولي تشوفين اذا المنتج اللي تمدحه مخلص للنص ع الاقل ، وانتبهي من شغله ان اذا شفتي نفس المنتج تمدحه كذا وحده بنفس الوقت اعرفي انه السالفه دعايه واغلب الوقت انه حتى المنتج مافتحته (من الحين اقولكم قوتشي و ايف سان لوران دعايه) . 

نجي لوصفه بالموقع "مرطب غير دهني يحتوي على خلاصة جذور نبات الحلف و كريم الكافيار و الخيار ، يرطب بشكل مكثف مناسب للبشره العاديه الى الدهنيه وايضا مناسب لتهدائه اللأمراض الجلدية ، صمم لمساعدة البشرة على الاحتفاظ بالرطوبة حيث انه البشره تمتصه بسرعة، مع لحظة التبريد، ترطيب  البشره على مدار 24 ساعة مع السيطره على الافرازات الدهنيه . خالي من الزيت و خالي من البارابين و بدون رائحة عطرية وغير كوميدوغينيك (مايقفل المسام). وتم اختبار الحساسية على المنتج "

تجربتي مع الكريم :

  بعد الروكاتان بشرتي صارت جافه جدا ، وكريمي اللي احبه بداء يخلص فقررت اجرب شي جديد ، المنتج او الكريم جدا رائع ، بارد ع الوجهه يعطيك احساس منعش ، يرطب بشكل  تقريبا 80% ، ومن جد ثواني ثواني بس تمتصه البشرة بسرعة بدون أي فائض ، سلس ناعم و يتوزع بسهوله لا يدبق ولا يجلس خمس دقايق عشان تشربه البشره ، هذي النقطه يستاهل عليها 10 جوائز خاصه لما تجين تحطين ميك اب ،ع طول ثواني والبشره شاربته مامداك جهزتي كريم الاساس، مده ترطيبه يمكن من 12-15 ساعه ، بس خلال الساعات هذي من جد تحسيت بشرتك مرطبه ومو جافه ابدا ،اذا تبين الترطيب لاقصى حد تحتاجين تستخدمينه مرتين يومين  يصير كذا من جد ترطيب 24 ساعه صح .

الحلو فيه بعد انه يحتوي ع  Alcohol denat وهي عباره كحول مضاد للميكروبات ، يعالج حب الشباب ، بس البطل هنا ان اي شي فيه كحول يجفف البشره ، هنا بهذا المنتج ماتحسين فيه اصلا ، ما يسبب أي حبوب أو تهيج ، بالرغم من نوعيه الكحول الموجودة فيه مو نوعية معتادة  عندنا بالشرق الاوسط لكن مسموح بها با مريكا و مايسبب حرقان أو تقريص ، اقولك ماتحسين فيه .

السلام عليكم ورحمه الله وبركاته 

الكنتور والهايلايت نعتمده في الميك اب لنحت الوجهه وابراز المناطق ، باختصار يعني تقريبا نسوي فوتوشوب لوجيهنا ، ولكثره المنتجات في السوق كل ومنتج يقول الزين عندي ، بتكلملكم عن منتج حبيته وحسيته سهل جداا في الاستخدام وتقريبا يناسب اغلبيه البنات في الشرق الاوسط بسبب لونه ، لانه مو مرره غامق او فاتح يعني اللون المناسب لدرجه بشرتنا .

وصفينه بالموقع ع اساس انه "منتجات الكنتور لدينا جعلت من السهل وضع أفضل وجه لك من خلال استخدام خاصيه ال 3D "

مجموعه الخطوه بخطوه مكونه من :

• الاخفاء : الدرجه الأغمقه تستخدم لنحت الوجهه من خلال خلق الظلال .

• التنوير : الدرجه الفاتحه تستخدم لابراز المنطقه .

• البرونز: الدرجه الانتقاليه بين الاخفاء والتنوير يستخدم للقضاء على خطوط الواضحه .

النتايج : وجنتين محددتين ، انف منحوت ، و دقن مثالي .

  I n smashbox website they defined it as " Our contouring products have always been a best-kept secret of beauty insiders. We’ve made it easy to put your best face forward with three shades that mimic perfect lighting: 

• Contour: A darker shade that sculpts by creating shadows

• Highlight: A light shade that pulls features forward

• Bronze: A transition shade that eliminates harsh lines by blending the contour and highlight shades

The result : To-die-for features—from defined cheekbones to a perfected nose to a sculpted jawline.

نجي لتجربتي : ان شريته ع مدح حنان النجاده ، كانت تقريبا طول فتره شهر ٩،٨،٧ هجري ماتستخدم الا الكنتور ستيك في سنابه ، وكان يطلع يجنن (طبيعي اي شي تستخدمه يحنن ماشاءالله) ، فتحمست وشريته .

علبه فيها ثلاث اصابع ، تقدرين تقولين كونسيلر كريمي بثلاث اللوان (من اليسار لليمين) :

المنتجات جدا كريميه الوانها مطفيه خاليه من اي لمعه،  سهله بالدمح واللوانها واضحه ع البشره وبالكاميره ، لما اقول واضحه بالكاميره اقصده انه الكنتور اللي سويتيه يبان ع الشاشه عكس بودره انستازيا (راي انا ، فالبودره حقت انستازيا احتاج عشره كيلو منها عشان تبان ع الشاشه، او لازم قبلها كنتور كريمي عشان يبان اللون مزبوط) ، بس بهذي الاصابع اللون يبان من اول مرره ، وخاصه الكنتور والبرونزر تحتاجين نقطه منه عشان يبان بوضح .

بالنسبه للثبات ، ثباتها متوسط يعني حلويه للاستخدام لحد 8 ساعات ، بس اذا ثبتيها بالبودره تثبت لساعات طويله .

مناسبه لجميع انواع البشره حتى الحساسه لانه مافيها ريحه عطريه 

وبعد الحلو اللي فيها انهم مايخذون مساحه ابدا ابدااا، عكس اي بالت كنتور كبيره ، بالشنطه الميكاب او التسريحه او في السفر بيكون عندك مساحه زياده لاي منتج ثاني . 

• the light shade: use it as a highlighter for bring out any thing you want to show it more like the bride of noise , chin ..etc , it have yellow undertone so it bright the area .
• the gray shade : use it for create a shadow to hide any area , like Cheek bone , sides of noise ..etc.
• the bronzy shade : use it for warming the skin , because the orange undertone , it good for dampens the huge different between the light and the gray shade .

افضل فرشه لدمج المنتجات الكريمه هي فرشه ماك Oval 6 خاصه انه مقاسها بطل للدمج لا كبيره ولاصغيره ، والفرشه شعرها صناعيه  يعني عز الطلب .

best brush to blind it with is the oval 6 from M.A.C it have the perfect size for blind  , also it is made from Synthetic hair so it the best tools for creamy products

تقدرين تستخدمينه جافه او مبلله ، تحصلينها بمحلات سيفورا و سماش بوكس بسعر ٢٥٠ ريال
وافيه منها درجات للاسف

هنا فديو تعليمي من سماش بوكس كيف تستخدمين الاصابع بشكل صح
here is a video from Smashbox showed you how to use it

السلام عليكم ورحمه لله وبركاته 

بدخل بالموضوع ع طول صبغات الشعر الدارجه لموسم خريف 2016 ، خاصه ان جيت الخريف بتكون ع العيد ورجعت الدوامات ، فبيكون مرجع حلو للبنات .

BRONDE 

يعتبر خليط بين الخصل البنيه والشقراء ، النوع هذا من الصبغات يعطي لون دافي للبشره ، ولانه عباره عن لونين او اكثر راح  يعطي حياه لشعرك اكثر من اللون الواحد ، خاصه ان اللوك يعتمد ع الخصل high light و low light ، بس دايم دايم اطلبي خصل مررره مرره نحيفه .

فيه كثير بيقلون يشبه الامبير ، لا الامبير ينتهي الشعر كله باللون الفاتح ، بس البروند مايتنهي شعرك باللون الفاتح ابدا ، وانتي تتحكمين بعدد الخصل ، زي سيلينا و فوز الخصل نحيفه مره ولونها مو شاطح وتعتبر قليله ، اما الصور البقيه اللون جدا واضح ومختلف عن لون bass (الاساس) 

ASH BROWN 

البني الرمادي بيكون اساسي لخريف 2016 ، خاصه انه الالوان الغامقه ترجع بالشتاء بقوه ، اللون يليق ع اغلب درجات البشره من السمر للبيض ، مهما كان درجه الصبغه فاتحه او غامقه .

 

DUSTY ROSE

درجات الوردي الباستال عموما دارجه بكل شي من ملابس للاكساسوراز للشعر ، الوردي الدارج بالنسبه للشعر الوردي الباهت ، تقدرين تسوينه بسهوله بدون سحب لون لو شعرك اشقر او بني ، ينفع للسمر مرره يخلي لونهم اكثر حياه وبرونزي .

الجميل في ال Durty Rose انه مايحتاج يكون كل الشعر بنك وبدرجه وحده ، لا بالعكس كل ماكان متفرق ولونه باهت كل ماكان ترندي اكثر .

  

البني الغامق مع خصل بني محمره بدت من كيم وانتشرت بشكل واسع عند المشاهير ، الصبغه هذي تعتمد ع الlowlight بس اختاري خصل صغيره مره ولا تخلينه كلها تبتدي من الجذور .