السلام عليكم ورحمه لله وبركاته
بدخل بالموضوع ع طول صبغات الشعر الدارجه لموسم خريف 2016 ، خاصه ان جيت الخريف بتكون ع العيد ورجعت الدوامات ، فبيكون مرجع حلو للبنات .
BRONDE
يعتبر خليط بين الخصل البنيه والشقراء ، النوع هذا من الصبغات يعطي لون دافي للبشره ، ولانه عباره عن لونين او اكثر راح يعطي حياه لشعرك اكثر من اللون الواحد ، خاصه ان اللوك يعتمد ع الخصل high light و low light ، بس دايم دايم اطلبي خصل مررره مرره نحيفه .
فيه كثير بيقلون يشبه الامبير ، لا الامبير ينتهي الشعر كله باللون الفاتح ، بس البروند مايتنهي شعرك باللون الفاتح ابدا ، وانتي تتحكمين بعدد الخصل ، زي سيلينا و فوز الخصل نحيفه مره ولونها مو شاطح وتعتبر قليله ، اما الصور البقيه اللون جدا واضح ومختلف عن لون bass (الاساس)
ASH BROWN
البني الرمادي بيكون اساسي لخريف 2016 ، خاصه انه الالوان الغامقه ترجع بالشتاء بقوه ، اللون يليق ع اغلب درجات البشره من السمر للبيض ، مهما كان درجه الصبغه فاتحه او غامقه .
DUSTY ROSE
درجات الوردي الباستال عموما دارجه بكل شي من ملابس للاكساسوراز للشعر ، الوردي الدارج بالنسبه للشعر الوردي الباهت ، تقدرين تسوينه بسهوله بدون سحب لون لو شعرك اشقر او بني ، ينفع للسمر مرره يخلي لونهم اكثر حياه وبرونزي .
الجميل في ال Durty Rose انه مايحتاج يكون كل الشعر بنك وبدرجه وحده ، لا بالعكس كل ماكان متفرق ولونه باهت كل ماكان ترندي اكثر .
وهنا شويه درجات من البنكي
CARAMEL BRONDE
افضل لوني طبيعي للبني الفاتح ، خاصه اللي تبي تصبغ شعرها بس ماتبيه فاتح مره او غامق ، هذا اللون جاي في النص، مناسب للبشره البيضاء اكثر من البشره الافريقيه .
DEEP BROWN WITH RED ACCENTS
البني الغامق مع خصل بني محمره بدت من كيم وانتشرت بشكل واسع عند المشاهير ، الصبغه هذي تعتمد ع الlowlight بس اختاري خصل صغيره مره ولا تخلينه كلها تبتدي من الجذور .
وبكذا خلصنا اكثر الالوان تراند لخريف 2016 ، لاحظتوا ان درجات الرمادي بدت تختفي وراجعين للالوان الطبيعيه ، وهذا خبر حلو لشعركم ، لان اي شي فيه اندر تون رمادي يعدم الشعر وخاصه اللي شعورهم غامقه بالاصل ، وبعد راجعين للتخصيل .
وش رايكم باللوان ؟
البني الرمادي جميل أكثر شيء حبيته ❤
ردحذفانا شعري أسود ماعمري صبغته :) , بس البني الرمادي لفتني مره يعني لو اتجرت أصبغ
حيكون اختياري ❤_❤