السلام عليكم ورحمه الله وبركاته 

التدوينه بتكوت عن منتج جوده وسعره رائعين ، منتج كريمي سهل بالدمج يظل لساعات طويله يدون مايبهت او يسح من العين ، تقريبا اقدر اقول انه البديل الارخص لايلاينر YSL وينافسها بالجوده ووضوح اللون .

الاقلام من ماركة MARK التابعه لشركه Avon ، الماركه مقرها في المملكه المتحده ، ويتم تصنيع منتجاتها بالمانيا وهذي نقطه مهمه في عالم التجميل لان كثير من البنت يحسبون ان اذا المنتج رخيص معناته جودته اقل من جيده  وصناعته صينيه ، وبهذي التدوينه راح اثبت عكس ذلك .

المنتج عباره عن قلم اوتوكاتك، خالي من اي مواد عطريه ، يعني اللي عينها حساسه بيناسبها ، ولان ثباته عالي وضد المويا  استخدمه عند مدمع العين وداخلها فمايسيح ويعدم الدنيا ، بنفس الوقت المنتج واضح لونه وقوي جدا، ومايحتاج طبقتين منه .

بالنسبه لدمج لازم تدمجين بسرعه خاصه اذا كنتي مستخدمته كابرايمر للشدو لانه ينشف بسرعه بسبب ان ثباته عالي ، فانصح انك تبدين بعين وتدمجينها وبعدين تنتقلين للعين الثانيه.

بالنسبه للقوامه زي ماذكرت كريمي بس ينشف بسرعه فاانصح فيه لكل انواع العيون وخاصه للي عيونها بس تدمع ، مرره بيناسبكم .

اللوان المتوفره منها ٥ اللوان ، لون واحد مطفي اللي هو الاسود ، وسواده جدا فاحمم ، والاربعه الباقيه اللوانها معدنيه تجنن خاصه الموف والزيتي استخدمه الموف والاسود بافديو تاتوريال قريب راح ينزل ع اليوتيوب ، جدا جدا رائعين ، فيه لونه مو موجود بالصوره وهو اللون Deep Navy لون كحلي معدني .

بالنسبه للثبات المنتج مكتوب انه يثبت لمده ١٢ ساعه ، بس ماجربته ل١٢ ساعه بالضبط لكن جربته تحت التصوير والاضاء والحر لمده ٦ ساعات وكان ثابت ومابهت ولاساح ، واللي لاحظته بعد وكان جدا ملفت احيانا احط في مدمع العين لون بيج و لون اسود عشان اكبر العين وفي منتج  YSL - eye pencil  كان يسيح ع الكحل البيج ويبهته مع العلم انه waterprof والمفروض مايسيح , بس في منتج Avon كان ثابت مادخل وساح ع الكحل البيج ، فهذي بحد ذاتها نقطه مرره حلوه يفوز فيها Avon .

نجي لحجم راس الايلانر يعتبر صغير يمدك ترسمين جو العين براحه ، بس كرسمه eyeliner خارج العين بزاويه محدده يبيلها شويه شطاره لانه مو قلم ايلانر سايل هو اقرب للكحل بس اسمه ايلاينر . 

تغليف المنتج شبيه بالماركات العالميه وسهل لانه اوتوماتك مايجتاج للاي جهد عشان تستخدمينه او لsharper ، كل اللي عليك تبرمينه من تحت وخلاص . 

افضل ان تقفلين المنتج بعد الاستخدام عشان ماينشف او يبهت لونه ، اغلب المنتجات اللي ضد المويا تنشف اذا تعرضت للهواء لفتره طويله .

بالنسبه للسعر وهنا الصدمه خاصه انه تغلب ع كحل YSL الماركه الفرنسيه وقيمته تبلغ ١٦٠ ريال وكان جدا فاشل من رايي الشخصي ، سعر افون بالمقابل ٤٤ ريال قبل الخصم وبعد الخصم ٢٢ ريال (المشكله ان الماركتين تصنيعهم كان في المانيا !!!) .

اماكن الشراء فيه تطبيق اسمه Avon تحصلونه في الابل ستور ومثلها باندرويد تحملين التطبيق ، ومن هناك تختارين المندوب الاقرب لك ومن بعدها تختاري المنتج ويوصله لك المندوب لحد بيتك وتدفعين عند الاستلام .

اخر شي بقوله لا تشترين الاسم اشتري المنتج ... احيانا كثيره يتم استغلالنا من قبل البراندات العالميه بس عشان لوقو او اسم .