مجموعة الوجه

تحتوي ع أربع فرش

فرشة مسطحة للكونسيلر رقمها E02



حجمها حلو لكونسيلر اذا عندك بقعه وتبين تغطينها او لكوركتر لانها صغيره وتحدد بشكل جيد ، ولانها مسطحه فهي تمسك الكونسيلر السائل والكريمي وبعد يساعد بالموضوع ان شعر الفرشة صناعي ، بعد حلوه اذا استخدمتيها للبوادر لتثبيت الكونسيلر لانه راسها مدبب ويساعد بالزوايا
وحلوة مو بس للكونسيلر !! حلوه بعد لبرايمر العين او لتنظيف الحاجب لانه حجمها صغير ويساعد بالتحديد ، وبعد لكنتور الانف او الفم .

وفيه شي بنوهه عليه هنا اذا استخدمتيها لاي منتة كريمي لازم لازم تنظفينها بعده (لبشرتك اولا) وثانيا لانه بقايا المنتج الكريمي اللي ع الفرشه اذا نشفت واستخدمتي الفرشه ثاني راح تكتلك الميك اب (مو بس هذي الفرشه انا اتكلم عموما)


فرشة الإضاءة F04



حجم الفرشة يعتبر متوسطه ومقوسه شعرها قصير ، يعني تحطلك الاضاءه بوفره لانه حجمها يساعد وبتركيز الصح مناسب للخد لدقن ، مناسبه بعد للبيكنق تحت العين لانه شعرها قصير فماراح تناثر البودر او تحطه بمكان ثاني ، يعني تركيزها 10/10
اذا وجهك صغير فراح تناسبك ايضا كفرشة بلشر ، وتنفع تبخين عليها سبري لان شعرها صناعي فاراح تزيد تركيز المنتج البودر بدل ما تخفف منه عكس الشعر الطبيعي .



فرشة دمج الكنتور F05



هذي الفرشه لازم لازم تكون عند كل بنت هذي الببديل الارخص لفرشة MAKE UO FOR EVER ، تجنننننن لدمج الكنتور او البلشر الكريمي ، طولها رائع تساعد ان يدك تكون خفيفه ع الكنتور او البلشر .

ولانه شكلها مستقيم فتساعد الكنتور يندمج في مكانه ، شخصيا انا حبيتها جدا للبيكنق و الكنتور البودر ، تجنننننننننننن .



فرشة متعددة الاستخدام للخدود او بودرة الوجه F03

الفرشه تعتبر اكير فرشه بالمجموعه ، بس عموما حجمها متوسط ع فرشة بودر ، حلوه لتثبيت الوجه بالبودر او للتنظيف ، بعد تنفع للبلشر اذا وجهك كبير شوي


فرشة كريم الأساس F02



الفرشه هذي تغنيك عن فرش اساس كثيره ، اول شي هي عباره عن فرشه كابوكي شعرها قصير ، ومعروف اي فرشه شعره قصير يعني تركيز وضعها لللمنتج يكون عالي ، فبتالي الفرشه ذي تركيزها عالي بوضع الفونديشن او البيبي كريم ، وبعد حبيت انه دام تركيزها عالي بيخف استخدامك لكمية الفونديشن فبيصير الموضوع اقتصادي ، ويطلع مظهر الفونديشن حلو ومو مكتل .

قصتها تساعد بالزوايا خاصه عند الانف او الحواجب ، ويمديك تستخدميها للكونسيلر بعد تحت العين .
جربتها لكذا شي حتى للكنتور الكريمي ، تجننن تجننن هذي الفرشه works like a DREAM .
نجي للفنشنق ، هل تطلع خطوط ؟ اي فرشه تطلع خطوط ، الشطاره بطريقة استخدامك لازم تكون يدك خفيفه وباتجاه واحد لخارج الوجه ، واذا حسيتي انه في خطوط مضايقتك طبطبي فيها وبيختفي .


فرشة البلاشر الممائلة F01






الفرشة حجمها متوسط تنفع لكذا شي ، لتثبيت الفونديشن او التوزيع او للبلشر او حتى لتنظيف الوجه ولانها مقوسه ومزدوجة (شعرها مو بنفس الطول ) فانصح فيها مره ، بيرفكت لكنتور او البرونزر او البلشر ، حجمها يساعد متناثره وبقصه مائله ، تنفع تستخدمينها في كذا مكان مثلا كنتور للجبهه او الفك ، او برونزر و بلشر للخد

فرشة الإضاءة F06