الخطوات التاليه
جربي ، جربي ، جربي !!!
ادخلي المحل وخوذي الجينز اللي عاجبك واللي مو عاجبك ، خوذي مقاسك والمقاس الاصغر والاكبر و جربيهم بغرفه القياس .. هذي الخطوه بالذات لاتستهيني فيها هي اللي بتعلمك وش اللي يناسبك من شكل ولون ومقاس .

ركزي ع المقاس مو ع التصنيف
 مثلا مكتوب ان الجينز هذا Boyfriend  او Mama skinny Jeans او Boot Cut (طول الكعب )مثلا ومقاسه 8 اللي هو مقاسك ، وماطلع طوله للكعب ، فعشان كذا حطي في بالك ان المسميات والتصانيف او حتى المقاسات المكتوبه احيانا ماتزبط فالاهم من هذا كله المقاس ، لوجبتي Boyfriend وطلع واسع مرره خوذي مقاس اصغر منك او حتى خوذي ستايل ثاني زي mama jeans بس بمقاس اوسع ويطلع يشبه ال boyfriend jeans وكذا ... لانه مافيه مقاس عالمي موحد يمشي ع كل النساء فمثلا انتي طولك ١٧٠ والجينز واصل للكعب و وحده ثانيه طولها ١٥٥ بيطلع يخبخب عليها ونفس الحكايه بالمقاسات يمكن مقاسك بزارا  10 وفي بول اند بير 12 .

دوري ع لون جينز غامق
اللون الغامق الكلاسك ، جدا عملي و مايروح ابدا موضته وينحف ، مناسب بالعمل بالبيت بالزيارات ، عكس الفاتح يجلس معك عمر ، لازم يكون بدولاب كل بنات .

الجينز المطرز او الRipped Jeans
مره ترند هذي الفتره سوا كان مطرز لولو او مورد او اي نوع من انواع التطريز او الممزق ، حلوه وجميله بس لازم تكونين حذره لانها تسلط الضوء ع المنطقه اللي هي فيها ، عندك ارداف كبيره بعدي كل البعد عن المشجر او المطرز او الممزق في ذي المنطقه لانها بتعرضها وبتجلب الانظار لها .

في 2018 الامهات دايم يعرفون الاحسن !!
امزح في كل الاوقات الامهات يعرفون وش الاحسن ، بس لما نتكلم عن Mama jeans ذي السنه ماكل الجو بموضه الجينزات ، وش هذا النوع من الجينزات ؟ هو قصته سكيني بس واسعه عليك شوي ويكون خصره مرتفع ومطوي من تحت ولونه بالاغلب فاتح شوي (مو شرط تاخذي ماما جينز يمديك تاخذي مقاس اكبر من سكيني بس يكون وسطه عالي ) ، هذا النوع المفضل لكثير من البنات لانه يحلي الجسم سوا كانتي مليانه او نحيفه (نفس اللي بالصوره فوق او اوسع بشوي).

نجي للجينز المناسب لكل نوع جسم :

جسم التفاحه

بنات جسم التفاحه لازم ينتبهون ويركزون مره كويس ع طول خصر الجينز وين ينتهي ، لانه لو اخذوا جينز منخفض Low rise jeans راح يبين اكثر عدم وجود انحنى بالخصر وكيف الدهون متجمعه بذي المنطقه وتطلع muffin top  :( !! ولو اخذوا جينز خصره مرتفع High rise راح يبرز البطن بدل مايخفيها ، اللارتفاع المناسب لهم هو المتوسط mid rise jeanse بالضبط ينتهي عند السره (navel)

 بالنسبه للنوع فالافضل واللي يناسب نوع جسمك هو الجينز البنطال  trousers اللي يجي وسعه من تحت اقل بشوي من الوسط  (مايمنع تجربين غيره بس هذا الافضل )




 واذا كنتي حابه السكيني skinny jeans الافضل تختاري جينز لونه فاتح من عند الافخذ وغامق ن عند الوسط عشان يعادلك جسمك فالفاتح راح يبرز ويلفت النطر والغامق راح يخفي شوي من البطن ، والحين التطريز والمشجر يكون ع الساق او الارداف فهي تناسبك

                                            

نجي لجسم الكمثرى و الساعه الرمليه
المعروف ان جسم الكمثرى سمنته فقط في المنطقه السفليه فالافضل لهم البناطيل المتوسطه و المرتفعة الخصر High / Mid rise  بس احيانا يكون البنطلون واسع من جهه الخصر ومن الارداف مناسب فافضل انك تاخذي من ماركه مخصصه لهذا النوع من الاجسام مثل ماركه Good American لكلوي كارداشيان وهي اكبر مثال ع جسم الكمثرى (المعدل مو الطبيعي p: ) المهم بيكون بحثك عن الوسط المثالي لك او الله يخلي الخياط ، واهم شي الجيوب لا تاخذي شي بارز ابداا ، ولاتاخذي مشجر او مطرز لانها بتبرز المنطقه بزياده .

بالنسبه لنوع الجينز فالافضل trousers او ال bootcut لانها تخلق وهم بتوازن المنطقه السفليه والعلويه ، حاولي دايم تاخذي لون غامق موحد ، مافيه اي تدرجات زي جسم التفاحه