السلام عليكم ورحمه الله وبركاته 

لانه دخلنا بالصيف ومع الحر والشمس ، وغير اللبنات اللي بيسافرن ومحتاجين الميك اب يثبت لاطول وقت ممكن ، و هبه الستروبنق (الهايلات القوي بدون كنتور) جبتلكم منتجين ، واحد يثبت الميك اب ويصغر المسام بشكل يعور القلب ، والشي الثاني يخلي بشرتك نفس بشرت جينفر لوبز و جيجي هديد لمعتها حلوه وصحيه وكانه طبيعي ، وبدون شكل بودري ومكتل .

اول منتج البرايمر اسمه Infaillible primer  من لوريال 

Infaillible primer from L'oreal 

وصفه بالموقع " يحول على الفور ملمس البشره لملمس ناعم لامع وخالي من العيوب ، حيث انه يعد البشره  للمكياج ويساعد في تقليل من حجم المسام ، ويتحكم ويقلل من افراز زيوت البشره بسبب خاصيه تأثير إطفاء اللمعة ، يحول سطح البشره لملمس مخملي ناعم "

L'areal website said "Instantly transforms skin texture, resulting in a matte finish and velvet soft touch, Prepares and smoothes skin by minimising imperfections, pores and shine , Mattifying effect, Instantly transforms skins texture for an even surface with velvet-soft touch. Foundation glides seamlessly across it."

تجربتي :

انا من يومي احب البرايمر السيلكون لانه يعطي ثبات و فنشنق جميل جدا للمكياج خاصه للمسام لانه يصغر من حجمها ، فلما شفت برايمر لوريال قبل سنه تقريبا شريته ، ومن يومه للحين وانا استخدمه وللحين مااخلصت الا ثلاث ارباعه ، وانا تقريبا مكياجي يومي ، وفوق ذا شريت واحد جديد عشاني واقعه بغرامه لو صار وخلص ولا ضاع لا سمح الله ههههه اقولكم احبه يعني احبه .

الحلو اللي فيه انا يوحد ملمس البشره بشكل كبيره ، يعني لو فيك حبوب صغيره اللي تحت الجلد هذا البرايمر ينعم الملمس ويخللي بشرتك مخمليه ، ومن جد يفرق ملمس بشرتي اذا استخدمته قبل الاساس حتى لو مرطبتها ،  وثاني شي انه يتحكم بالزيوت واللمعه ، للي يحبون اللوك المات خاصه صحبات البشره الدهنيه والمختلطه بتحبونه جداااااااا ، لانه يحد من افرازات البشره ومايخلي الفونديشن مزيت ، ومن مميزاته انه يصغر المسام يعني يعطيك لوك خالي من العيوب و منجد تفرق معي خاصه لما نحط الهايلايتر البودره ع اعلى الخد تبان المسام اكبر لانه الهايلايتر يبرز اي شي تحطينه عليه ، فلما استخدم برايمر لوريال هذا يتغير الوضع تماما ، لو احط عشره طبقات هايلايتر ماتبان المسام اكبر وبالعكس يصغرها لي وبالنسبه للثبات يثبت فوق ال١٥ ساعه وعن تجربه بعد  .

فيه شي كثير يخافون منه ان السيلكون يكبر المسام مع الوقت ، وهذي المعلومه غلط علميا ، السيلكون الموجود في البرايمر عباره عن ماده شمعيه وظيفتها تعبي الفرغات مؤقتا زي المسام ، و مع الوقت تحلل وتختفي ، بس هل المسام بعدها تكبر وتتوسع ؟؟ المسام من تكوينه البشره ربي خالقه لها وظايف انه تخرج العرق والافرازات الدهنيه اللي تحت سطج الجلد للطبقه الجلد الخارجيه عشان تحافظ ع رطوبتها ، لاحظي لما تكونين برا بالشمس كيف مسامك تكبر عشانها قاعده تفرز وبس تكونين بمكان بارد ترجع تصغر ، خلاصه الموضوع انه المسام لها قابليه انه تصغر وتكبر من عند ربي ، يعني لا احد يقولك السيلكون يكبر حجم المسام ، كله كذب كل اللي تقدرين تسوينه انك تصغير من حجمها لا اكثر ولا اقل ، بالتنظيف والترطيب والعنايه فقط .

My experience :

i do like all primer with Silicon , because it give that flawless finishing and long-lasting , and the most imported thing it make any pore smaller , i bought this one about one year ago , i have been used it since it and it did not finish yet !!!! 

i love it because it smoothing the skin texture , make it feel like baby ass , also it control the skin oil and mattifying base that locks in shine and enhances the foundation make up  , because all highlighter make pore bigger , that primer do the opposite , it make it smaller even if u put 10 layers of highlighter .

طريقه الاستخدام :

لانه قوامه خفيف سهل جدا بالتوزيع ، ونتفه تكفيك ، انا استخدمه بعد المرطب ، اوزعه ع خشمي ومنطقه الخدود واي مكان وجهيي يدهن ، او المسام تكون باينه فيه ، استنى خمس دقايق وبعدها ابدا اوزع الاساس ما ياثر ه لون الاساس لانه شفاف .

How to use :

smooth onto skin working outwards on my nose and cheekbones and anywhere i see a pore or any spot i know it will become oily , leave it for 5 min then i put a foundation , since it have no colure it will not change the color of the foundation . 

انصح فيه اللي بشرتهم مختلطه او دهنيه فقط 

تحصلونه باي كورنور لوريال زي دبنهامز او المشهدي .. الخ سعره ب٨٧ ريال ويجلس ويطول معك مررره

 You can find it at any L'oreal corner by 87 SR

------------------------------------------------------------------------------------------

كريم GG glam bronze من لوريال 

Glam bronze GG cream from L'oreal 

وصفه بالموقع ع انه " أساس جميل جديد مع الكثير من اللمعان، لوريال جلام برونزية GG اختصار (ginius glow عبقرية الوهج ) , يعطي رطوبة للبشرة لمدة تصل إلى 24 ساعه،  ويحمي البشرة من الأشعة الضارة للشمس مع واقي 25 SPF  يحتوي ع مايكرو برنزر صغيره جدا ، التي تتكيف مع لون البشرة واللمعان لؤلؤي يعطي توهج وتأثير المتلألئة. مثالية لموسم الصيف ."

L'areal said "A new beautiful foundation with a lot of luster, that evens out skin tone. Loreal Glam Bronze GG Cream is Loreals new Genius Glow cream, gives skin moisture for up to 24H and protects the skin against the sun's harmful rays with SPF 25. GG cream contains bronzing micro pigmentation, which adjust to the skin tone and pearly luster that gives glow and a shimmering effect. Perfect for the bronze season."

تجربتي :

هذا الشي اللي من جد مااقد اعيش بدونه في كل ميك اب احط منه وفي كل مناسبه وبكل وقت ، هذا كريم يخلي مكياجك يبان طبيعي حلو صحي من اللمعه اللي فيه ، وفوق ذا مايخلي الميك اب كيكي ابداااا ، مااكذب لما اقولكم بكل الاوقات استخدمه نهار مساء لوك طبيعي او لوك اوفر لاني احب الميك اب القلوي اللي زي جيجي كيف تحسين الميك اب نظيف وصحي ولمعته حلوه مو بودره ، ولون اللمعه يجنن خاصه ع السمر ، يعطي لمعه التان الحلوه .

My experience :

i can't live without it !!!!!!!! and i mean it I CAN NOT .

i use it every time when i wear make up , a natural makeup or night makeup or any kind of make up look i use it , because it make my skin look like JL or Gigi , you know that glow , yeah this product give it to you , did not make my make up cakey , it give that healthy bronzy glow .

طريقه الاستخدام :

بعد المرطب والبرايمر امزجه مع كريم الاساس واوزعه ، يعطي الاساس لمعه تهبل وربي تخلي شكلك مستخدمه فلتر سناب تشات ذاك ابو ورد ، او اذا ماابي وجهي كله يلمع احط الاساس الاول بعدين احط ال GG ع الاماكن اللي ابيها تلمع ويكون لونها برونزي زي خدودي شوي من جبهتي ودقني ، يعطيك ذاك المعه اللي تجنن ، او اذا ابي لوك طبيعي استخدمه لحاله يعطي بس لمعه ولون برونزي 

How to use :

after apply a moisturizer and a primer i do mix it with a foundation , to give the foundation bronzy glow , if i don't want glow all over my face , i do put foundation first then i put the GG cream on my cheekbones and a little bit in my forehead and chin , if i am going to no make up look i just use it alone .

انصح فيه اللي يحبون اللوك القلوي ، اما اللي يحبون المطفي ماراح يناسبهم 

تحصلونه باي كورنور لوريال زي دبنهامز او المشهدي .. الخ سعره ب١٢٠ ريال ويجلس ويطول معك مررره

 You can find it at any L'oreal corner by 120 SR

السلام عليكم ورحمه الله وبركاته

اليوم بتكلم عن كوركتر من مجموعه Prep+Primer  من ماك متكونه من اربع درجات من الهايلايتر ، بس انا استخدمه هذا اللون Bright Forecast كاروكتر لانه ع اورنج مو زي بقيت الدرجات .

نستخدك الكوركتر عشان مايقلب الكونسيلر او الفونديشن ع رمادي

بس كثير يغلطون بدرجه الكوركتر ، مايحتاج يكون لونه اورنج صارخ عشان يصحح لك بشرتك ،اغلب الوقت  كل اللي تحتاجينه درجه مشمشيه ، الاورنج تستخدم للبقع السوده ، يعني مو رمادي ولا بوني اسوددددد ، اما المشمشي بدرجاته تقدرين تستخدمينه ع اي بقع بنيه مثلا اذا كانت بني غامق استخدمي مشمشي غامق ، واذا افتح فتحي اختيارك للمصحح ، لانه لو اخترتي اورنج وانتي ماتحتاجينه راح يقلب لونك ع اورنج .

الحلو بهذا المنتج انه قوامه سائل وخفيف جدا ينفع للاستخدام اليومي ، يعني مايحتاج كوركتر ثقيل يوميا عشان يغطي اي هالات او بقع بنيه ، هذا يكفي بالغرض ، وفوق ذا كميه بسيطه تكفي ، وفرشته جدا حلوه تقدر توصل لزوايا .

طريقتي باستعماله : احطه تحت عيني نتفه بس ، وجهة فمي وحطيه باي منطقه عندك تصبغ او اسمرار فيها (فقط ع الاماكن فقطططططط )، اوزعه باصبع يدي وبعد ينفع بالبيرتي بلندر والفرشه ، وبكذا صححت لون البشره وبس باقي نسوي هايلايتر ، استخدم فوقه اي هايلايتر عشان ينور المنطق ، افتح من درجتي بلون او لونين بس ، وبعدها اثبته ببودره لورامارسيه الشفافه .

الالوان المتوفره :

 درجته ع بنك تصحح اي تصبغ رمادي ، ويميدي اللي بشرتهم باره وبيضاء يستخدمونها كا هايلايتر: Radiant Rose 

Light Boost : درجته ع صفار ، تعطي دفى للبشرتهم غامقه ، واحيانا ينفع كاهلايتر لهم 

درجته ع مشمشي ، يكنسل اي تصبغات بنيه ، ماينفع هايلايتر ابدا لانه ع اورنج: Bright Forecast

هنا فديو يعلمك كيف الخطوات خطوه بخطوه 

السلام عليكم ورحمه الله وبركاته

ثقتك بنفسك تزيد بشكل اذا جسمك بطل ، اذا شعرك جميل ، واذا بشرتك حلوه وصافيه ومسامها صغيره ، بتكلم عن منتجات خلت ثقتي بنفسي جدا عاليه و واثقه ببشرتي لدرجه اطلع بدون ميك اب لعالم وتعجبهم النظاره والصفاوه اللي ببشرتي ، هذي المنتجات غيرت حياتي للاحسن من بعد فضل ربي .

المنتجات اشتريتها اكثر من مرره او ع الاقل شببه انهيتها اذا هي اول عبوه استخدمها، يعني ماتكلمت الا وهي من جد بطله تقريبا اقل واحد فيهم استخدمته من 5 شهور تقريبا واكثر واحد له سنتين ، مو من ثاني استخدام اتكلم عنها او دعايه يعني المصداقيه عال العال .

------------------------------------------------------------------------------------------------------------

منتجات المجموعه Black Pearl من Sea of Spa

اول رفيو عن "GRAVITY BLACK MUD MASK "

وصفه بالموقع ع انه من اندر التقنيات المبتكره في العالم , عباره عن قناع طين اسود من البحر الميت , معتمد ع قوه الجاذبيه المتحلى بها.

الماسك غني بالفايتمن وزيوت نقيه مستخلصه من النباتات ، لمظهر صحي وبشره موحده ، وقدره الجذب(المغناطيس) لديها تساعد كولاجين الخليه لصقل والتقليل من الخطوط ، وتقشر الخلايا الميته من دون تجفيفه ، لانه يهيئيها لاستيعاب الحد المناسب من الترطيب والتغذيه بفضل الزيوت النقيه ، ليعطي البشره اشراق واضح وملمس ناعم كالحرير وليونه.

تجربتي :

الماسك ممتع جدا لما استخدمه ، احسه لعبه لانك تحطينه وبعدها ب10 دقايق تمررين المغناطيس فوقه وينشال من وجهك .

الزيوت اللي تبقى بالوجهه مفيدهه بس بشرتي مااستحملتها اسبوعيا ، لأنها مختلطه صرت استخدمه من شهر لشهر ، بس ماما عجبها مرهه تقول يرطب لمده 3 ايام قدام ، ويعطي نظاره تحسين الوجهه صحي ومن جد كل مرره استخدمه أرجع اعشقه لولا الحبه اللي تطلع لي بعده كان كل يوم وانا حاطته .

طريقه الاستعمال :

تحطينه ع وجه نظيف تستنين 10 دقايق وبعدها بالمغناطيس اللي جاي معه تمررينه ع وجهك لبرا عشان تحفز الكولاجين وينشد بشرتك، استخدمه مرره بالشهر او اذا حسيت بشرتي تحتاج دفعه نطاره زياده  .

ثاني رفيو عن "PEARL PEELING MASK"

وصفه بالموقع من نفس مجموعه الولو الاسود المستخلصه من البحر الميت ، الماسك لتنظيف العميق ولازاله طبقه سطحيه من البشره وتجديدها ، حيث انه لايضر ولايخدش البشره لاحتوائه ع ماده لطيفه .

تجربتي :

حبيبي هذا من افضل وابطل المقشرات اللي استخدمتها ، مدري كيف كنت عايشه قبله ينظف ينظف يطلعلك البقاياا اللي تحت 7 طبقه من جلدك ، وبنات السناب شاهدين كيف يطلع ،  ينورر الوجه بشكل عجيب تحسين كانك مسويه تقشير عند العياده ، الشي الوحيد اللي ماحبيته انه اذا مانظفتي وجهك منه مزبوط ، يطلع كانه قشر ، وخاصه لو حطيتي ميك اب ، عشان كذا ماانصح فيه للبنات اللي مالهم خلق لانه لازم له صبر ودقه بالتنظيف .

احيانا استخدم الة كلارسونك بعده عشان اتاكد ماباقي منه شي ، واستخدمه بالاسبوعين مرره او اذا عندي مناسبه مهمه استخدمه قبلها بيوم  .

طريقه الاستعمال :

تحطينه ع وجه نظيف خليها من 3-5 دقايق بعدين نظفي وجهك بحركه دائريه وراح يطلع العجب ، تستخدمينه مره بالاسبوع.

 ثالث رفيو عن مرطب "LIGHT DAY CREAM"

وصفه بالموقع انه مزيج فريد من بودره اللولو الاسود والاعشاب البحريه ومعادن البحر الميت ، لترطيب البشره وحمايتها من الشمس ، كما ان البشره تمتصه بسرعه لعدم احتوائه ع زيوت 

تجربتي :

تركيبته خفيفه ع البشره ، مناسب جدا للبشره الدهنيه والمختلطه استخدمه يوميا كل صباح ، المرطب خفيف جدا وتمتصه البشره بسرعه ، مع الوقت تحسين انه مو بس مرطب قد ماهو معالج ولتصبغات للبشره ، حسيت ان التصبغات خفت كثير خاصه بقايا حب الشباب .

طريقه الاستعمال :
بعد الغسول والتونر ارطب وجهي فيه كل صباح ، واحلى شي فيه انه يحتوي ع واقي شمس spf25

اخذته من محلهم في برشلونه في مول Maremagnum بالدور الثاني محلهم ، المجموعه كامله مع بودي كريم ب500 يورو للاسف مافيه اي محل لهم بالسعوديه او بالشرق الاوسط بس تقدرين تطلبينها ع اون لاين .

--------------------------------------------------------------------------------------------------------

زيوت ArtNaturals 

الماركه امريكيه شعارها "تحتاجي منتجات عضويه وطبيعيه ممتازه لان جمالك مايستحق يتضرر من المواد الكميائيه " ، اللي حبيته بالماركه ان كل منتجاتهم عضويه وطبيعيه 100% بدون اي اضافات .

اول رفيو عن زيت Tea Tree Oil 

وصفه بالموقع ع انه زيت شجرة الشاي نقي وطبيعي ، يمكن استخدامه كعلاج عطري، وكذلك بمثابة مطهر قوي .

 ويمكن مزجه مع العديد من المكونات الطبيعية الأخرى لخلق غسول وجه او قناع لبشره  جميلة، ويعتبر أيضا أفضل مطهر طبيعي يستخدم عادة للتخلص من التهابات خفيفة وخطيرة ، بما في ذلك القمل والفطريات أظافر، قشرة الرأس، داء السعفه، حب الشباب، والطفح الجلدي، وغيرها الكثير..

In the website they said it is pure and natural Tea Tree Oils provides fresh aromatherapy, as well as serving as a powerful antiseptic. It can be blended with many other natural ingredients to create a face wash/mask that will leave your skin clear and beautiful. It is also considered the best natural antiseptic being commonly used for getting rid of mild and severe infections including lice, toenail fungus, dandruff, ringworm, acne, rashes, and many more.

تجربتي :

انا حبيت زيت شجره الشاهي من بودي شوب ، كان يخفف لي الحبه من اول يوم ، لدرجه اقوم ثاني يوم والقاها مختفيه ولاكانه كانت فيه حبه هنا ، ومع الوقت المسام صغرت بشكل ملحوظ ، لدرجه وحده من صحباتي كانت تسال عن عياده اليزر اللي سويته فيها (النتيجه هذي طلعت بعد استخدام يومي لمده شهرين) بس عيبه ان حجمه صغير ومافيه الا الحجم 10ML وانا ماشاءالله مااقصر يوميا استخدمه فكان يخلص خلال اسبوعين لثلاث اسابيع ، فقررت اشتري زيت شجره الشاهي من ماركه ثانيه وحجم اكبر يكفيني انا واستخدامي ، فلما بحثت حصلت ان كثير بلوقر اجانب يمدحون زيوت ماركه ArtNaturals ، وانها طبيعيه ومن منتجات عضويه 100% واحجامها حلوه .

الزيت نفس حق بودي شوب مافيه فرق الا الريحه ، ريحته شينه شوي بس نتايجه تفتح النفس ،انا بشرتي مختلطه معرضه اكثر لحب الشباب، مع زيت شحره الشاهي نسيت هم الحبه لانه مع الاستخدام اليومي يكافح لبكتيريات المسببه للحب ، وبكذا مافيه حبه راح تطلع لانه قاعده اعقم بشرتي اول باول ، ولانه محفزز لدوره الدمويه مع الوقت المسام تصغر، وبنسبه لحجمه 120ML .

طريقه الاستخدام :

سهل جدا استخدامه يوميا، بعد ماانظف وجهي بالغسول والتونر استخدمه بالليل بس ، انقط ع وجهي واسوي مساج بسيط ، راح تحسين ان بشرتك نملت ، بس هذا طبيعي لانه مطهر ومعقم راح يروح الشعور بعد دقيقه واذا ماقدرت تستحملين حطي بعده مرطب او الكريم الليلي وبيروح ع طول التنميل ، عيبه ريحته الشينه الصراحه بس تستحمل ، واذا طلعت لك حبه كل اللي عليك انك تقطرين ع الحبه من مرتين لثلاث مرات وبتختفي باذان الله ، مناسب لجميع انواع البشره الا الحساسه .

سعره 17$ يعني تقريبا 65 ريال تقدرين تطلبينه من ArtNaturals او امازون (اضغط ع الاسم وراح ينقلك لصفحه)

ثاني رفيو عن Vitamin C Serum 

وصفه بالموقع ع انه مصل فيتامين C عضوي، يحد من علامات الشيخوخة وتصبغات الشمس ، في حين انه يقليل التجاعيد الموجودة ويمنع تشكيل التجاعيد الجديدة . تمتصه البشره بشكل سريع ، يسمح لاستخدامها جنبا إلى جنب مع الماكياج والمرطبات اليومية، في حين انه لا يهيج البشره أو يسبب احمرار .

تجربتي :

كنت محتاجه شي يعطيني اشراق لبشرتي خاصه بعد علاج الروكتان ، وقرات كثير ان سيروم فايتيمن سي يعطي الاشراق وبشكل مكثف وسريع لانه سيروم ، مو كريم او قطرات ، فاستخدمته كل صباح وحسيت من جد غير لي بشرتي اعطاها نظاره وصحه ورجع لها الحياه .

طريقه الاستخدام :

استخدمه يوميا بعد ماانظف بشرتي الصباح قبل المرطب واحيانا لما اكون مستعجله او ابي لوك دوي امزج قطرتين او ثلاث مع كريم الاساس ، وماااحس باي شي ابدا لانغزات ولا تنميل ، وريحته خفيفه ليمون او برتقال وتروح ع طول ، مناسب لجميع انواع البشره  .

سعره ب15$ يعني بحدود ال60 ريال تقدرين تطلببينه من  ArtNaturals او امازون (اضغط ع الاسم وراح ينقلك لصفحه)

لافضل النتايج لازم تستخدمينهم ع بشره نظيفه ، وتحفظين العلب في مكان بارد وظلمه ، وترجينهم زين قبل الاستخدام ، بعض البنات يستخدمون معهم ديرما رولر ، مااقد جربتها بس اللي جربت خل تكتب تعليق تحت .

------------------------------------------------------------------------------------------------------------------

كريم Dr.Jart+ V7 VitaLaser 2.1

الماركه كوريه مو مشهوره بالشرق الاوسط ، لكن لها سمعه عظيمه في بقيه العالم ، بدت الماركه سنه 2004 بكوريا في عياده الدكتور SungJae بمنتجات للعنايه بالبشره ، وتوسع للميك اب ، واليوم وصل ليكون المسؤول عن مكياج عروض ازياء DKNY لخريف وشتاء 2016 بسبب جودته الحلوه .

هو عباره مرهم مكون من 7 فايتمينات مركزه ، يعمل ع عمليه شفاء البشره من خلال الترطيب المكثف واستعاده الكولجين والتفتيح لون البشره ، في الموقع يوعد Dr.Jart انه راح يوحد لون البشره خلال 7 ايام من الاستخدام و يبيض اللون خلال 7 اسابيع من الاستخدام بسبب وجود عنصر AA2G اللي يمنع  تشكيل الميلانين و يزيل النمش والبقع .

تجربتي :

المنتج هذا سحر يعني من جد مو معقوله كيف حسن بشرتي ، معالج حقيقي لان يحتوي ع فيتامين (أ) و B3، B5، C، E ، F، H ولحاء توت ألبا المعروف بقدرته ع التبييض القوي و زهره ال Althaea التي تعمل ع ترطيب وتليين البشره و فاكهة الأترج مهدئه للبشره , تمتصه البشره بشكل سريع جدا مو زي اي مرهم ، خاصه في البدايه لما شفت قوام الكريم كيف ثقيل ، خفت ع بشرتي لانها مختلطه وقلت هذا بيطلع لي حبوب ، بس الحمدالله طلع خفيف جدا ع البشره ، لاحظت انه يعالج اي اثار او بقع موجوده بالبشره , بس هل بيض بشرتي لا , فتحها ايوه ووحد لونها ، هذا المنتج اتوقع بشتري منه 10 حبات . 

طريقه الاستخدام :

في اخر خطوه بعنايتي الليليه استخدمه ، بعد الغسول والتونر والسيروم ، كميه بسيطه منه تكفي بشره وجهي كامله واستخدمه يوميا من يوم ماشريته .

تحصلونه بسيفورا كندا و امريكا ويارب ينزل عندنا قريب .
 . You can find it in US, UK, Canada and Europe sephora

---------------------------------------------------------------------------------------------------------

مااقدر احدد منتج واحد هو اللي غير بشرتي للاحسن ، بس اللي من جد فرق هو نظام العنايه ، زمان كنت متهاونه بذا الموضوع ماانظف وجهي زين من الميك اب او انام فيه او ماارطبه ...الخ ، وكنت اقول اني بخبي عيوب بشرتي بالميك اب ، بس مهما كان الميك اب مايطلع حلو ولا نظيف الا اذا بشرتك حلوه .

عشان كذا خوذي بالك من بشرتك عشان تقدرين تستغنين عن الميك اب ، ويصير انتي تحلينه مو هو
اذا تبون اكتب رفيو عن نطام العنايه بكل نوع من انواع البشره علقوا هنا او بالانستاقرام .

السلام عليكم ورحمه الله وبركاته 

نكمل سلسه الطلب من الانترانت وذي المره من موقع كولور بوب ، الماركه غنيه عن التعريف ، امريكيه حديثه العهد ، واهم شي شعارها مايحتاج تسرقين بنك عشان يكون عندك ميك اب فخم وجميل .

اسعارهم مابين 4 -6 دولار يعني تقريبا 15- 24 ريال سعودي للمنتج مو اكثر ، بنسبه للمجموعه او الكولكشن تتراوح مابين 20 - 35 دولار يعني 130 ريال وغالب تتكون من 5 منتجات .

شايفين كيف الفرق بين السعر الاصلي وسعر التاجرات !!

يلا نبداء

------------------------------------------------------------------------------------------------------------------

نفتح موقع كولر بوب من هنا Colour Pop (اضغط ع الرابط وراح يفتح لك الموقع)

الموقع مرتب بشكل يسهل عليك الاختيار ، خاصه بعد ماضافوا منتجات الحواحب والكنتور الجديده للماركه .

الحين كل اللي عليك تختارين وش تبين ، تبين ارواج اختاري Lips تبين شادوهات تبين حواجب .. الخ ، عني انا اول مادخل احب اشوف الافضل مبيعا اول شي .

بس اول بقولكم وش الفرق بين كل نوع من منتجاتهم لانها شوي معقده خاصه الشدوهات .

السلام عليكم ورحمه الله وبركاته 

الشعر المصفف الناعم حلم كل بنت بدون نكشه ، فعشان كذا نضطر نسشور شعرنا ، وكثره السشوار يتعبه ويفقد لمعه ويسبب تقصف ، بس فيه طريقه نخفف من من اضرار السشوار ، نستشور وشعرنا مبلل ونستخدم سبري حامي من الحراره  ، بهذي الطريقه نخفف من فقدان الرطوبه الداخليه بالشعره .

 وفي تدوينه اليوم بتكلم عن سبرايه مخصص للحمايه و غني بالكيراتين ، فيقلل التجعد ويعمل كحاجز حماية من عوامل التلف .

وصفه بموقع تراسميي "يساعد هذا الاسبراي على حماية الشعر من عوامل التلف والتصفيف بالحرارة ويزيد تألقه ويقلل التجاعيد ويزيد المعه."

تجربتي معه :

تقريبا له عندي ٣ شهور لين خلص ، وانا مو من النوع اللي اسشور كثير ، استخدم السبريه قبل السشوار ، وغالبا اكون تو طالعه من الشور ، طريقه الاستخدام سهله جدا هي انك تبخينه على شعرك بالتساوي عن طريق التجزئة ( بالنسبه لي اركز ع اطراف الشعر اكثر ) بعدها تمشطين شعرك عشان تتأكدي انه وصل لكل شعره وتستخدمين السشوار او الفير او ستريتنر، واذاشعرك مبلول امشي بنفس الخطوات و جففيه بالمجفف بعدها ممكن تستخدمين الحراره عليه .

ايجابيات المنتج 

• ريحته حلوه زي شامبوهات تراسممي 
• يخفف من النفشه بنسبه كبيره وخاصه بعد السشوار 
• سهل الاستخدام
• يحمي الشعر من الحراره لدرجة تصل 200 درجة مئويه
• يخفف من نسبة التقصف والبهاتان
• يعطي لمعه حلوه لشعر لانه معزز بالكيراتين و مناسب لشعر المصبوغ

السلام عليكم ورحمه الله وبركاته 

واخيرا فتح مطعم سلطان ستيك هاوس بالسعوديه ، هذا ثالث فرع لهم بعد تركيا والكويت ، المطعم له صيته ومعروف انه يقدم المشاوي التركيه بطريقه عصريه  وكثير شبهوه بمطعم نصرت التركي ، راح اكتبلكم كل شي من ايجابيات وسلبيات واسعار وكل شي 

اولا مكان المطعم في الروضه مقابل مستشفى الملك فيصل التخصصي في جده ، داخل مجمع اليو شيب، بجنب ذا بيقل بار كوفي هاوس ،المجمع رايق بس عيبه مافيله باركنق كبير يعني لو ماحصلت باركنق لازم توقف برا المجمع . 

هذي واجهه المطعم ، يفضل انك تحجزين ، لانه زحمه حبتين يعني يمكن تجلسين ساعه خاصه لو انتي بالليل وحابه الجلسات الخارجيه (مسموح فيها التدخين والتعسيل )

بالنسبه للجلسات الداخليه المكان واسع و الديكورات غالب عليه الخشب بشكل كلاسك مع لمسات بسيطه مودرن في الاضاءه 

المكان مفتوح ع بعض مافيه بارتشين او اي عوازل ، حتى المطبخ مكشوف تقدرين تشوفين الشيف وهو يطبخ  ويجهز طبقك،  فيه ناس يضايقهم ذا الشي عشان كذا حبيت اذكره عشان يحطونه في بالهم ، وكانت فيه ريحه شوي تخخخخخرفن بشكل يسطل يعني كذا تخليك تذوبين وانتي في مكانك .

السلبي هنا : ان وحده من اخواتي عندها فوبيا من اللحم وريحته فتقريبا كانت مضيقتها ريحه الشوي 

السلام عليكم ورحمه الله وبركاته 

حلم كل بنت شعر يلمع وكثيف وطويل ، بدون تساقط او تقصف ، والحلم هذا يمدي يصير اذا اعتنيتي بشعرك من الداخل والخارج ، واقصد بالخارج يعني بدون ششوار او استخدام الحراره عليه بكثره لان الحراره تجففه وتخليه باهت و متقصف ، والتقليل من الصبغات ...والخ واستخدام الزيوت والماسكات المفيده , ومن الداخل اقصد فيها الغذاء المناسب لشعرك .

ومن اهم النقاط الغذاء الداخلي ، لانه الشعر يعتمد عليه بنسبه 75% ، يعني كل ماتحسن غذائك تحسن شعرك ، عشان كذا في فايتمن (مكملات غذائيه) مخصصه لشعر ولجمال الشعر ، تكون مركزه بس عشان تفيده ، بس فيه بنات تبان نتايجه اوضح واسرع عليهم ، وبنات ولا كانهم اكلوا الفايتمن ، بقولكم كيف تستفدون منه لاقصى حد .

بس اهم شي تعرفين انه المكملات الغذائية لا تعتبر طعاما ولا دواء ، وإنما هي منتجات تؤخذ عن طريق الفم تحتوي على مكون غذائي يقصد من ورائه تكميل الغذاء وليست بديلاً عن الطعام الصحي ووفقاً للقانون الأمريكي.




بكتب لك اهم النقاط للاستفاده من الفايتمن وافضل 3 جربتهم لحد الان :

١. اهم شي تسوين تحليل دم ، تشوفين وش ناقصك من فايتمن ، لانه نقص فايتمنات B او الحديد يسبب تساقط فضيع لشعر ، اسهل طريقه حددي النقص وعوضيه .

٢.اذا الحمدالله مافيك نقص ، بس تحسين ان شعرك ناقصه شي ، مثلا تبينه يطول بسرعه او يلمع او يرجع يكثف ، او مثلا مسويه دايت وماتبين شعرك يطيح ، بس تبين تعوضينه ، هنا راح تسوين جدول بالفايتمن اللي راح تخذينها :

يوم فايتمن يكون مركب من انواع فايتمن عديده زي Hairfinity Healthy Hair (ماخذ الافضل مبيعا في الفايتمن في موقع امزون) او Sugar Bear Hair (هذا النوع زي العلكه للي تعاني من الم في المعده وماتقدر تتحمل الادويه) بس اضغط ع الاسم وراح ينقلك للصفحه الفايتمن .
واليوم الثاني فايتمن مركز لمشكلتك ، مثلا اذا كان شعرك باهت ومافيه حياه تجبين فايتمن C لانه يعززي الترطيب والمعان بالشعر ، اذا مشكلتك شعرك ضعيف ويتكسر بسرعه خوذي فايتمن البروتين اليفي او مايعرف في السوق بالكيرايتن لتقويه وزياده حجم الشعره ، واذا كان جاف من الفروه للاطراف فعليك بفايتمن A ...وكذا 

مثلا انا اكل يوم فايتمن مركب زي زيت السمك واليوم الثاني كيراتين او زيت كبد الحوت (لانه ماعندي نقص الحمدالله بس شعري طاح من سحب لون وابي ارجعه زي زمان فابي اركز ع التكثف وتحفز نمو الشعر)

٣.انتبهي لتعليمات دايما ، وخاصه اذا المكملات يفضل انها تتاكل قبل ولا بعد الاكل ، لانه الحديد عشان تستفيدين منه 100% خوذيه مع عصير او مويه ع بطن فاضيه ، لانه لو اخذيته مع اكل راح يقل كميه الاستفاده منه ل 50% ، ع عكس فايتمن A الي يذوب في الدهون فلازم تاكلينه مع الدهون الغذائية مثل الأسماك .
 وبهذه الشكل يمكن للجسم امتصاصها بشكل كامل والاستفاده منها لاقصى حد

٤.احتفظ بالفيتامينات في مكان بارد و مظلم ،لانه تقل فعالية الفيتامين لما تتعرض للحرارة والضوء . وافضل مكان لها الثلاجة .

٥. ابدا ابدا لا تاخذين الفيتامين مع القهوة أو الشاي ، لأنه مادة الكافيين والتانين تمنع الجسم من امتصاص المواد المغذية ، يعني كانك يابو زيد ماغزيت ، بس ضيعتي وقتك وفلوسك ، وافضل شي كوب كامل من المويا .

٦.لاتضاعفين الكميه خلاص اللي نسيتي يومها راحت لانه لو اخذتي حبتين مثلا من A او C يمكن يسبب لك غثيان او صداع وتجمع الدهون في الكبد ، يعني ضريتي بدل مانفعتي .

٧. المواظبه ع الفاتيمن يوميا قدر المستطاع ، لرؤيه النتيجه بشكل واضح ، خاصه من ناحيه الكثافه الاستمرار ع الاقل لمده ثلاث اشهر .

----------------------------------------------------------------------------------------------------------------

وبقولكم افضل 3 جربتهم خلال الخمس السنوات اللي فاتت لكثافه الشعر وزياده حجمه وترطيبه



هذا افضل فايتمن لصاحبات الشعر الضعيف وع طول يتكسر بسبب الصبغات او الششوار , لان الشعره تتكون من 88% الكيراتين ومع الصبغات والحراره والتقدم بالعمر او حتى تعرض الشعر لمويه الكلور يبداء يفقد الكيراتين .
وظيفه الفايتمن هذا يضخم حجم الشعره ويقويها من الداخل والخارج لانه يحتوي ع كولجين و كيراتين ، وفقدان ماده الكرياتين من الشعر يؤدّي إلى تقصّفه، وجفافه، وتوقّف نموّه، وتساقطة.
 ومن جد شعري التعبان من سحب اللون تحسن كثير وقوي ، حتى ملمسه تغير عن اول ، وانصح فيه بقوه تحصلونه بمحلات GNC
العلبه فيها 60 كبسوله توكل صباح ومساء مع الاكل يعني تكفي شهر (انا اكل حبه في الصباح بس+ هذي 3 علبه)
مافيه الاحجم واحد وسعره تقريبا ب100 ريال



فايتمن زيت السمك هذا يحتوي ع اوميقا 3 و جلاتين و جلسرين و فايتمين E ، واعتبره فايتمن مركب قوي لتكثيف وترطيب الشعر لانه :
 اوميقا 3 يخفيف من نسبة تساقط الشعر، وفي نفس الوقت يزيد معدل نمو الشعر بشكل واضح ، ويرطب فروة الرأس ، وبعد يحمايها من القشرة و يخفيف من حدة التهابات فروة الرأس ، واهم شي تنشيط بصيلات الشعر .