اليوم بتكلم عن ماسك مو طبيعي كيف جميل ، حبيته من التجربه الاولى ومو بس انا حتى اهلي حبوه .
وصف الماسك في موقع thebodshop " يساعد ماسك فحم الهيمالايا على صقل وتنقية وانعاش البشرة ، الماسك مكون ١٠٠٪ من مواد عضويه كخيزران الفخم ، واوراق الشاهي الاخضر وزيت الشاي العضوي ، ولا يحتوي علي البارابين، البارافين، سيليكون أو الزيوت المعدنية ، يقوم بتجفيف شوائب البشرة ويحسن من مظهر المسام من خلال تطهيرها بعمق ويضيف التوهج للبشرتك ، من مميزاته انه نباتي كليا ، يمتص زيوت البشره ويجففها "
تجربتي
الماسك اخذته تقريبا من شهر وهذا الشي مبهر اني جالسه اكتب عنه بذي السرعه بالعاده مااكتب عن اي منتج الا بعد 4 شهور بالقليل .
الماسك جدا رائع للتنظيف العميق ، ينظف من قلب ، وسريع ومايحتاج خطوات كثيره بس تحطينه وتشيلينه بعد 10 دقايق ، حجم العلبه ممتاز للاستخدام الشخصي يمكن يكفيك لشهرين او ثلاث اذا استخدمتيه مرتين بالاسبوع ، حتى طريقه التغليف جدا ممتازه لانه يخليك تستخدمينه لاخر نقطه فيه ، عكس الماسكات اللي تجيك ع شكل عصار لانه يتعب في النهايه ومايسعفك بالاستخدام الكلي .
بالنسبه للماسك مطهر من الدرجة الاولى لانه يحتوي ع زيت شجره الشاهي المعروف كامطهر طبيعي والليمون ودينات الكحول يحارب البكتيريا المسببه لاي بثور او حب ، ولانه يحتيوي ع طين الحمام المغربي فارح يتخلص من كل الخلايا الميته ويجدد سطح البشره وهذا يساعد ع اشراق ونعومه وتفتيح البشره مع الوقت ويتخلص من الحبوب والبثور المنتشرة على الوجه و النمش أو التصبغات البنية يفتح مسامات الوجه ليسمح للبشرة بالتنفس (بس لازم لازم بعدها ترطبين وجهك وتقفلين المسام) ، ممتاز للتخلص من زيوت والدهون المتراكمة بالبشره ، خاصة للأشخاص الذين يعانون من البشرة الدهنية او المختلطه ، الحلو بعد في الماسك انه يتخلص من الرؤوس السوداء وخاصة في منطفة الجبين والأنف والذقن ، يعني الماسك مطهر ومنظف عميق .
ولانه قوي فماراح يناسب البشره الحساسه ، اما للبشره الجافه الدهنيه المختلطه فهو ممتاز لها كا منظف عميق اسبوعي ، لكن لابد من ترطيب بعده باي ماسك يناسبك لانه الببشره تكون نظيفه والمسام واسعه فراح تستقبل اي كريم او ماسك بشكل كبير وبنتايج احسن .
بالنسبه للحجم مافيه الا حجم واحد والسعر ب١١٩ ريال تحصلونه بمحلات thebodyshop
الفيديو نزل ع قناتي اخيرا ، حبيت يكون شي بسيط واللقنت وينفع لنهار العيد او اي مناسبه بشكل انيق ومو متكلف ، اهم شي قبل اي مناسبه سوي سكراب او تقشير لبشره وجهك بشكل عميق باي ماسك يناسبها ورطبيها بماسك عشانالميك اب يطلع جميل ونظيف ، واهم نقطه بعد وبر الوجهه يفضل انك تشيلينه بموس او اذا حابه فتله او واكس جربي قبلها باسبوع عشان مايحبب بشرتك او اذا فيه اي حروق امداها تخف، اخليكم مع الفيديو والمنتجات كلها تحت مع روابط توصل لسعوديه وتدعم الدفع عند الاستلام .
استخدمه ماسك الهينالايان من بودي شوب الماسك يقشر الوجهه وينظفها بشكل عميق تحصلونه في محلات بودي شوب بسعر ١٢٥ ريال
مرطب الوجه من كيلز للبشره المختلطه والدهنيه سويت عنه ريفيو كامل هنا
برايمر من ديور اسمه DIORSKINFOREVER & EVER WEAR البرايمر هذا مناسب لجلسات التصوير الطوييله من هنا ب٢١٠ ريال من موقع وجوه يوصل لسعوديه ويدعم الدفع عند الاستلام .
فونديشان kiko Universal fit hydrating foundation للاسف مافيه موقع يوصل للسعوديه تحصلونه بمحلاتهم باوربا او بالامارات .
كوركتر من لوريال True Match anti fatigue illumining concealer بدرجه warm beige تحصلونه بالنهدي بسعر ٧٩ ريال
بالت كونسيلر وكوركتو من M.A.C بدرجه DARK MEDIUM من هنا تقدرين تطلبينه و يوصل لبيتك بسعر ٢٣٧ريال
بالت ميني كونسيلر madly yours من فافافوم فيه ١٥ لون بين الفاتح والغامق (للاسف ماعليها اسامي ) تحصلونها بمحلات فافافوم .
سفنجه دمج من بيوتي بلندر من هنا موقع سيفورا السعودي ب٨٠ ريال يوصل لسعوديه ويدعم الدفع عند الاستلام .
بودره للتنوير وتثبيت الكونسيلر من SEPHORA minerai loose powder foundation حاولت احصلها بالموقع بس للاسف ماحصلتها .
بالت MAKEUP FOR EVER PRO SCULPTING PALETTE 40 كبلشر وهايلايتر كريمي من هنا موقع سيفورا السعودي تقدرين تطلبينه و يوصل لبيتكويدعم الدفع عند الاستلام بسعر ١٩٠ريال .
بالت هدى بيوتي بالترتيب الاوان التاليه bea - flamingo - bossy - maneater - coco - trust fund تقدرين تشترينها من موقع سيفورا السعودي و يوصل لبيتك ويدعم الدفع عند الاستلام . (للاسف مخلصه من الموقع )
قطرات Tatcha gold camellia beauty oil ع شادو trust fund تحصلونها بس فس موقعهم هنا بسعر ٣٨٠ ريال .
كونسيلر نارس بدرجه custerd تقدرين تطلبينه من هنا موقع سيفورا السعودي السعودي و يوصل لبيتك ويدعم الدفع عند الاستلام بسعر ١٦٥ ريال .
مسكاره بينفت roller lash تقدرين تطلبينه من هنا موقع سيفورا السعودي السعودي و يوصل لبيتك ويدعم الدفع عند الاستلام بسعر ٦٥ ريال .
هايلايتر كريمي من ماركه Nee makeup الايطاليه افضل هايلايتر كريمي استخدمته في حياتي رسميا من هنا تقدرين تشترينه موقع فانيلا ويدعمون الدفع عندي الاستلام بسعر ٨٠ ريال .
قلم الحواجب من BH البديل الارخص لماك بدرجه burette من هنا تقدرين تشترينه بسعر ٢٨ ريال
مسكاره الحواجب من BH البديل الارخص لماك بدرجه burnette والافضللل بكثير من هنا تقدرين تشترينه بسعر ٢٨ ريال
كونسيلر نارس اشهر منتج عندهم و الاكثر مبيعا ، واقولكم من الحين المنتج يستاهل كل كلمه بحقه ، بما انه موسم اجازه وسفر وزواجات بكتب ريفيو عن منتج يستاهل انك تشترينه للصيف تغطيته وثباته رائع .
وصف بموقع نارس : خافي عيوب كريمي قادر على تغطية العيوب بشكل فوري ، عاكس للضوء يعطي ليونه و نعومه لسطح الجلد ، مناسب لجميع أنواع البشرة ، يخفي علامة تقدم السن و الخطوط الدقيقة و الهلالات السوداء ، سلس الاستخدام ، طبقة خفيفة من المستحضر تعطي تغطية متوسطة إلى كاملة قابل للبناء بشكل طبيعي ، خالي من بارابين و كبريتات و الفثالات غير مسبّب للرؤوس السوداء. كما أنّه خالٍ من الكحول والعطور .
تجربتي : المنتج تغطيته رائعه جدا و سهل بالدمج ومايكتل ، اعتبره الكونسيلر المثالي ، المنتج من البكاجنق سهل الفرشه حجمها حلو جدا ومناسب للزوايا الانف او تحت العين او لتحت الحاجب ويمديك تستخدمين الكميه اللي تبينها لانه بفرشه مو ضغاط .
سعه المنتج 6 ملم ، يعني يعتبر سعته جيده يجلس معك كاستخدام يومي اكثر من ٣ شهور .
بالنسبه للمنتج نفسه قوامه كريمي بس بنفس الوقت خفيف ع البشره مو ثقيل ويعطيها اللوك المطفي مخملي ، ناعم ع البشره تقدرين تدمجينه بسهوله باصبعك او بالفرشه او بيوتي بلندر وتاخذين وقتك بالدمج لانه ماينشف بسعره زي ماك برونق وير (بس بعد ذا حلو ومايعيبه ).
مايكتل او يخطط اذا استخدمتيه بالطريقه الصحيحه لانه يحتوي ع السيلكون بنسبه عاليه ولهذا السبب يخفي من نسبه ظهور الخطوط الرفيعه .
اللي بشرتهم حساسه او يتحسسون من الفونديشن او الكونسيلر الثقيل هذا بيناسبكم لانه مافيه اي عطور وبنفس الوقت تغطيته متوسطه بثقيله ويخلي البشره تتنفس
بالنسبه للالوان اللي انصح فيها كاميك اب ارتست اذا تعانين من هالات بسيطه استخدمي كارميل لانه ع بيتشي اورنجي وراح يصحح لك المنطقه وبعدها حطي درجه نفس لونك او افتح منك بدرجه ، وهنا درجات بوصف نوقع سيفورا السعودي وتحديد كل اندر تون
شانتيلي : عاجي للبشرة الفاتحه جدا
فانيلا : بتون وردي للبشرة الفاتحة
هوني : للبشرة الفاتحة إلى المتوسطه، بتون دافيء بيتشي
كسترد : للبشرة الفاتحة إلى المتوسطه، بتون أصفر
جينجر : للبشرة المتوسط، بتون ذهبي خفيف
بسكويت : للبشرة الغامقة المتوسطة، بتون محايد أصفر و بنك
كارامل للبشرة الغامقة المتوسطة: بتون ذهبي مصفر
أماند للبشرة الغامقة المتوسطة : بتون ذهبي زيتوني
كوفيه : للبشرة الغامقة بتون دافيء محمر
كاكاو للبشرة الغامقة : بتون ذهبي عميق و بني
هل انصح فيه ؟ بقوه يجنن ثباته حلو وتغطيته والبكجنق وسعره بعد بموقع نارس الاصلي ينباع بم١١٠ ريال هنا وبموقع سيفورا السعودي ينباع ب١٦٥ ريال هنا
الفديو هذا مقتبس من مكياج الفنانه نادين نجيم ، يعتمد ع اللوك الدوي الصحي والحواجب الطبيعيه النحيفه والشادو الناعم
مرطب الوجه من كيلز للبشره المختلطه والدهنيه سويت عنه ريفيو كامل هنا
مرطب الشفايف من جيفنشي اسمه mister gentle balm يجنن يورد ويرطب الشفايف ب ١٥٥
اله الحواجب من فيتت مره حلوه مررره سهله وخفيفه
قلم الحواجب من ABH بللون dark brown (من هنا تقدرين تطلبينه من موقغ سيفورا السعودي و يوصل لبيتك بسعر ١٠٥ريال )
بودره الحواجب من DIOR (من هناتقدرين تطلبينه من موقع وجوه و يوصل لبيتك بسعر ٢٩٥ريال وكتبت عنها ريفيو هنا )
قلم من BH Flawless Brow Highlighter من هنا بسعر ٢٢ ريال
فرشه ميك اب فور ايفر ٢٤٧ تجننن دمار ، شي موطبيعي فرسم الحواجب من هنا ب١٢٥ من موقع سيفورا السعودي و يوصل لبيتك
مسكاره الحواجب من بينفت SPEED BROW درجه ٣ من هنا بسعر ٩٠ ريال
البرايمر من سماش بوكس اسمه مناسب جدا لجلسات التصوير Photo Finish تحصلونه هنا ب١٢٣ ريال
برايمر كريمي من M.A.C اسمه painterly من هنا من موقغ ماك السعودي ب١١٨ ريال
بالت الشدو من سماش بوكس تجننننننننننن اسمها shape matters فيها ١٤ لون مات تقدرين تستخدمينها للخواجب والايلاينر بعد بس تضيفين كم نقطه من زيت او مويا من هنا ب٣٠٢ من موقع سيفورا السعودي و يوصل لبيتك .
قلم شادو كريمي من wojoohbeauty الدرجه مو طبيعيه اسمها sugar chai من هنا بسعر ٨٥ ريال .
ايلايتر من توم فورد افضل ايلانير للحين مجربته بس مو ضد المويا
الكحل من افون skinny precision longer eyeliner بسعر ٢٢ ريال تقدرون تشرتونها من ابلكيشن افون بالجوال
مسكاره من افون لانكوم بسعر ٢١٠ ريال وتستاهل والله ، تقدرون تشرتونها من هنا
رموش Blink ماركه سعوديه رائعه استخدمه اوشا رقم ٢ تحصلونها بصيدليه النهدي ب٥٠ ريال هنا موقعهم
كوركتر من لوريال True Match anti fatigue illumining concealer بدرجه warm beige تحصلونه بالنهدي بسعر ٧٩ ريال
الفونديشن نارس تغطيته جميله ويخلي البشره تتنفس رائع من هنا من موقع سيفورا السعودي و يوصل لبيتك ممتاز للبشره المختلطه والدهنيه .
بيبي كريم من burberry اللي تبي اللوك الدوي لا تبعد عنه .
لوس باودر من DIOR تقدرون تشرتونها من هنا مع بودره من سيفورا
اصبع الكنتور من سماش بوكس تحصلونها هنا من موقع سيفورا السعودي و يوصل لبيتك ب٢٣٠
هايلايتر من ماك ليمتدد اديشن
البلشر من بسام فتوح Rose Glow من هنا بسعر ١٦٦ ريال
الروج من ميك اب فور ايفر
بخاخ تاتشا LUMINOUS Dewy Skin Mist من هنا بسعر ١٩٢ ريال
اليوم بحكي عن منتج وصلني وحبيته من اول استخدام وهذا الشي نادر يصير ، من جد يستاهل كل المدح من اليوتيوبر مايا احمد ، زبده الشيا انتشرت الفتره الاخيره بشكل مو طبيعي ومو كلها طبيعيه وبعضها يضر اكثر من انه يفيد بسبب المواد الكميائيه المضاف له او بسبب التكرار للزبده او تسبب حساسيه بسبه العطور المضاف لها لانه زبده الشيا الصافيه ريحتها شينه نوعا ما ، بس الزبده اللي بحكي عنها اليوم طبيعيه مو مكرره اهم شي ومضاف لها فايتمن وزيوت عطريه تعطي ريحه مميزه لكل نوع من ال١٢ جره .
زبده الشيا الطبيعيه لها فوائد تجميليه وعلاجيه مثل تعالج الاكزيما وطفح الجلد وعلامات تمدد الجلد والندوب ولدغ الحشرات والحروق ، بالنسبه للتجمليه فمعروف انها تحفز الكولاجين بالبشره ومع الوقت تفتح المنطقه والترطيب يقلل من لتجاعيد ، بالنسبه للشعر فهي تعتبر بلسم للشعر ولفروه الراس الملتهبه ، وبالنسبه للرموش هفي تزيد من سماكتها وطولها وهذا الشي كل البنات يبونه بس اهم شي تكون طبيعيه بدون اي اضافات كميائيه مثل زبده شيا جار ، واللي تعاني من الهالات بيخفف منها بسبب فايتمن e الموجود بالزبده و الاظافر لها نصيب يحميها من التكسر ، هذي النتايج كلها تجي مع الاستمرار ولازم تكون اصليه وطبيعيه مو مكرره ولا مضاف لها شي كميائي ، يعني لازم تنقين الزبده ممن مكان متخصص مثل براند شيا جار الزبده مو مكرره يعني مو مهدرجه او مضاف لها روائح كميائيه ، لا كله طبيعي حتى الرويح المضاف لها هي زيون عطريه طبيعيه .
جاتني قبل شهرين تقريبا سله فيها ثلاث جرات باجمل تغليف ، كلها بريحه بودره الاطفال تجنننننننننن ، الزيده تذوب ع طوللللل اذا دفيتيها بيدينك ، ماتدبك ابدا ابدا ابدا ابدا ع طول الجسم يتشربها ، ترطب وتعطي لمعه حلوه للجسم وريحه حلوه ، وفوق ذا البكجنق يقتل ويساعد مرره ، تقدرين تحطينه باي مكان شنطه تسريحه حجم مرره مناسب .
نجي للنتايج الترطيب مره حلو ، بالنسبه للبقع او الاثار خفف منها خاصه منطقه حد الكعب من ورا في رجلي (ماقد جربت كعب حلو مايجرح ) خفف منها مرههه ، تقريبا جره وحده كفت لجسمي شهر كامل ، استخدمته ع شعري بعد الشامبو زي الماسك ، اللي لاحظته رطب شعري مرره بس الفروه مانسبتها كثير دهنت بزياده لانه فروه شعري خلقه دهنيه ، فققرت استخدمه بس ع الاطراف .
نجي لاهم شي بكم ومن وين ... بكم يختلف حسب الريحه او الزيت العطري المضاف له ، هم ١٢ نوع ١٠ منهم ب١٧ دولار (تقربلا ب٦٥ ريال) اللي هم (ريحه بودره الاطفال - ياسمين - لافندر- باتشولي - شجره الشاهي الاخضر- فانيلا -البرتقال الحلو -الليمونيه -غرنوقي ) فيه كم نوع مو موجود بالموقع ينباع بالبوتيك او بحسابهم ع الانستا ، ونوعين ب٢٧ دولار (تقريبا ب١٠٣ ريال) اللي هم (عود - مسك) .
تقدرون تطلبونها من الموقع هنا او من حسابهم ع الانستاقرام
تدوينه اليوم عن تصحيح الالوان و التصبغات بالبشرة باستخدام CC Concealers من افون ، اخترتها لانه سعرها بخيس جدا ،بس اول لازم تعرفين الالوان لايش تستخدم .
اذا كنتي تعانين من احمرار (مثلا تو انحرقت جبهتك بالويفي، دايم تصير لي ، او مثلا تو حبه بتطلعلك تكون المنطقه حمره ، او وحمه او اي بقعه حمره عندك في وجهك او جسمك ) استخدمي عليها مصحح لونه اخضر لانه الاحمر مع الاخضر يعطي لون نيود .
واذا كانت عندك بقع صفره في وجهك خاصه تجي بعد مايكون فيه كدمه او عمليه يكون لون مناطق موف غامق لدرجته نشوفه بني او اسود بس الاصل هو موف غامق جدا و مناطق تكون صفرا بالنسبه للاصفر اللون المعاكس له او اللي يصححها هو اللون الليلكي او افتح افتح درجات الموف ، اذا اجتمعوا اللونين يعطوتك اللون النيود وهذا المطلوب .
بالنسبه للمناطق اللي تكون فيها كدمات موف او الهالات تحت العين هي بالاساس موف (وهذي الشي درسته لما كنت ادرس ميك اب ب London college ) عشان نصححها نحط درجات الاورنج من افتحها لاغمقها حسب الحاجه ، يعني اذا هالاتك بسيط مو تروحين تحطين مصحح اورنج غامق لا حطي اورنج فاتح او بيتشي اللي هو المشمشي لانه يلغي للون الموف الفاتحه وكل مازاد غمق الهاله او الكدمه كل ماغمقنا الكوركتر .
بقول شي بعد اذا عندك حبه بارزه مستحيل مستحيل يختفي بروزها بالميك اب لا هي ولا الندبات ، الميك اب بس يصحح اللون لا اكثر ولا اقل ، اذا تبين الميك اب يطلع حلو اهتمي بشرتك اولا .
نجي للاصابع الكونسيلر هذي من افون ، الاصابع سهله الاستخدام كريميه بالنسبه وللدمج تندمج بسهوله ، الوانها شبه واضحها ما سطلع نفس اللون اللي تشوفينه بالقلم لا يطلع افتح بدرجتين ، يعني اللي تعاني من بقع او حبوب شبه فاتحها ومتوسطه بيناسبها ام الغامقه ماراح يفيد معها لان الدرجات ماراح تصحح هذا الغمق في اللون ، الفنشنق حقهم بودري ، حسيتهم البديل الارخص لاصابع سماشبوكس المصححه (بس سماشبوكس تقدرين تستخدمينها مبلله وهذي لا ) ، مالها اي ريحه يعني مناسبه للبشره الجافه .
بالنسبه للبكنق جبيته جده لانه سهل بلاستخدام وماياخذ مساحه بالشنطه او تسريحه مو زي البالت ، احيانا تشترين بالت كامل بس عشان مصصح واحد وياخذ مساحه وفلوس ع الفاضي ، ماتجي معه برايه وكل لون ينباع لوحده بعلبه .
الاصفر اكثر لون استخدمته لتنوير ، خاصه هو اكثر لون لايق علينا احنا الخليجيات ، ابتعدوا عن اي لون فيه بنكي او ع بياض بيقلب رمادي ، خوذي ع اصفر ونوري فيه واذا محتاجه تصحيح تحت العين او اي منطقه ثانيه صححي اول بعدين اخر خطوه استخدمي القلم الاصفر للتنوير ، الاخضر بعد استخدمه اذا فيه حبه لونها احمر او وحمه ع حمار او بكي القلم الاحضر يصححها ، او صححي بشرتك بعد البرايمر بعدين استخدمي الفونديشن والكونسييلر اذا محتاجه ، استخدمتهم بوحده من الفديو اللي نزلت باليوتيوب هنا .
سعره اقل من ٣٠ ريال للقلم الواحد ، تقدرين تشترينه من تطبيق AVON .
اليوم بتكلم عن منتجات ماركه مظلومه اعلاميا بس منتجاتها تنافس كل البراندات وتطرح نفسها بقوه بالسوق ، منتجات خبير التجميل بسام فتوح ، المميز فيها انه الجوده والثبات بالضبط زي ما يحتاجها اي خبير تجميل لانه المشرف ع الماركه خبير التجميل بسام فتوح بنفسه ، شفتوا لمساته بمنتجاته ع كثير من الانيقين من المشاهير مثل هيفاء وهبي ، نجوى كرم و يارا ..الخ
بحكي اول عن مجموعه الاكحال الفاتحه داخل العين ماحصلتها بموقع بسام فتوح للاسف ، انا اخذتها من وجوه اللي بالامارات مول كانت علبه تحتوي ع اربع درجات من الاكحال (ابيض - وردي فاتح - بيج - بيج ع اصفر) ، المنتجات حلوه لونها واضح حبيت اكثر شي وانسب شي ع العيون عشان تعطي وحي بكبر العين الكحل بالون الوردي الفاتح اسمه DESERT ROSE واللون البيج ع اصفر ACID YELLOW افضل اثنين صراحه ، لانه اذا اخذت شي ع ابيض بيخلي لون البياض اللي بعينك ع اصفر شوي وراح يبين الكحل الابيض بشكل واضح جدا عكس الالوان الورديه و البيج اللي الصفار بتبان طبيعيه وبتكبر عينك بدون ما تبهتها ، المنتجات مو ضد المويا فاللي تدمع كثير ماراح يناسبك ، بس مع ذالك ثباتها طويل بالنسبه للباكجنق زي اي كحل عادي مو اتوماتك فاتحتاج لبرايه .
روج مع بلسم كاتبين عنه في موقع بسام فتوح "احمر الشفاه ياتي ب١١ لون يناسب جميع انماط حياتك ، استمتعي باحمر الشفاه الجميل دون التشقاقات وجفاف ، احمر الشفاه يمنحك مطهر غير لامع او شبه مطفي او لامع مع شعور مخملي مكثف ، بخطوه بسيطه واحده ، يحتوي على فايتمن E يغذي شفاتك من الداخل بينما يزينها من الخارج لمده طويله ، بينما يحتوي بلسم الشفايف على مستخلصات زيت اللوز الحلو لترطيب وإطالة اللون الحقيقي. "
تجربتي
الروج يجنن درجته تناسب الحنطيات او اللي مسوين برونز اسمها Chicago ماتنشف الشفايف مع انها مطفيه استخدمتها بدون البلسم او المرطب اللي يجي معه ، يعطيك لوك مخملي مو مطفي وبس لا ، شفتو كيف اروج هدى بيوتي كيف نفس الفنشنق كذا مخملي بس مو ثقيل حفيف ع الشفايف ، لاحظت ان ريحه الروج مميزه حلوه كانها حلوى ، بالنسبه لتغليف يجنن وانيق وحبيت انه فيه مرايه صح مو كبيره بس ع الاقل تسعف ، بالنسبه للبلسم او المرطب ترطيبه حلو وسريع الامتصاص اذا استخدمتيه قبل الروج ، واذا حطيته بعد الروج يصير الروج قلوسي يلمع بس بشكل حلو مافيه سباركلز ، .
البلشر من موقع بسام فتوح واصفينه " تجربة غنيه ، تألق الطبيعي وتوهج سريع ، احمر الخدود اللامع الدسم يقبل خدك باشراق فوري وانيق ، يندمج وينخلط بسهوله مع البشره من دون الحاجه للدمج ، مكوناته طبيعيه تقلل من تاثير الضار على البشره ، يجعل بشرتك تتنفس بينما يزينها ويجعلها مثاليه "
تجربتي
مغرمه بالدرجه ROSE GOLW ، مناسبه لكل اللوكات مابين اللحمي والبنك مع شويه سباركلز ، فيها شي حلو انه اللون مايتكتل ويبقع لانه ناعم ، بس اذا تبين اللون يبان واضح تحتاجين انك تحطين كذا طبقه ، ولاتخافين ماراح يكتل لان البودره ناعمه جدا وماتكتل ، واللي زاد اعحابي فيها انه من مكونات طبيعيه يعني مابتضر البشره زي البلشرات الثانيه اللي كلها مواد صناعيه ، بالنسبه للثباتها يعتبر متوسط يجلس من ٤-٥ ساعات ، لها ريحه بسيطه بسيطه مرره فاللي بشرتهم حساسه بيناسبكم لانه من مكونات طبيعيه ، الباكجنق جميل وفيها مرايه حجمها حلو .
تقدرون تشترونها من موقعه الرسمي هنا او من عند بوتيكاته بالخليح .
