السلام عليكم ورحمه الله وبركاته

كل البنات يتمنون الشفايف الورديه المترطبه فيه حلول كثيره بليزر او بالتاتو او كريمات بس اغلبها يجي معه الم وطول بال لين تبان نتايجه وفلوس تضيع على نتايج مو مبهره ولا مرضيه ، وخاصه الليزر مو من اول الجلسات تتورد الشفايف ، فجبت لكم حل سهل وسريع ويبان بلحظتها .

نبداء بتوريد الشفايف احلى مرطب مورد جربته في حياتي كلها من 2015 وانا طايحه بغرامه اسمه ADDICT LIP GLOW BALM من DIOR ، هذا المرطب احلى مافيه انه يورد لك الشفايف باللون المناسب مايخليها وردي غامق اللي واضح انك حاطه شي ابدا مو طبيعي ع لون بشرتك ، فالحلو فيه ان يندمج ويتحول للون االوردي المناسب للونك ويكون طبيعي طبيعي بشكل ، ولون شفايفك يكون وردي لساعات وساعات ومترطب بشكل فضيع لطول اليوم ، احطه لوحده او احطه وانا اتمكيج كابرايمر ومرطب لشفايف في كل الحالات يجننننن ، احيانا اذا ابي لمعه صحه ونظاره وتوريد حلو للخدودي امرره ع خدودي كابلشر كريمي وتبقى خدودي مورده وفيها لمعه حلوه طبيعيه لساعات .

الحلو فيه انه مو اذا بطلتبه ترجع شفايفك ع طول زي زمان لا ، تدرجيا يبداء مفعوله يختفي والسبب ان شفايف مو ورديه يكون من التغذيه ، المهم نرجع لموضعنا عيبه الوحيد فيله نتفه نتفه من ريحت الفكس بس ، وماله طعم يعني لا تخافي ، والعلبه الوحده تقريبا تكفيك من 4 - 5 شهور اذا تحطينها يوميا

تقدرون تطلبونه من موقع وجوه هنا بسعر 170 ريال ويوصلونه لبيتك .

بالنسبه لليدين والارجل فيه محل زمان رحتله في الرياض كنت قاعده اسوي بوديكير ومونكير المهم في اخر خطوه حطت قطرات من تنتيد وردي مع كريم مطرب ومررته ع باطن رجولي ويديني ، لما سالتها هذا ليه تقول عشان تخلي اطرافهم ورديه ، ومن جد طول السهرر كانت اطراف رجولي ورديه خاصه ، فاعتمدت الحركه من بعدها اذا عندي مناسبه وبلبس كعب او صندل مكشوف ، صرت اخذ benetint cheek & lip stain وادمجه مع اي مرطب للجسم ، المنتج للشفايف والخدود بس لونه شوي واضح خاصه ع السمر فصرت استخدمه مورد لجسمي ، الحلو فيه ان علبته كبيره وتكفي معك لوقت طويل ، ولونه واضح فعشان كذا مناسب للجسم ويثبت لساعات طويله ، ريحته حلوه وطريقه العلبه كانه مونكير تساعد مرره انك تقطرين ع المرطب مو انه عصار او كريم فيكون صعب .

تقدرون تطلبونه من موقع وجوه من هنا بسعر 160 ريال ويوصلونه لبيتك .