السلام عليكم ورحمه الله وبركاته 

احب استخدم الميك اب اللي يفيد ويجمل بنفس الوقت ، يعتني ببشرتك بدل مايضرها بالمواد الكميائيه ، في بودي شوب اغلب منتجاتهم من عناصر طبيعيه تفيد البشره سوا كانت منتجات عنايه او مكياج ، وخاصه البنات اللي يحطون ميك اب يوميا انصحهم يستخدمون مكياج يفيد البشره بنفس الوقت ، اليوم الرفيو بيكون عن بلشر من بودي شوب تجميلي ويفيد البشره بدل مايضرها 

البلشر مصنف بموقع بودي شوب ع اساس انه " احمر خدود ذو مسحوق رقيق جدا ، قابل لدمج و بناء اللون ، يحتوي على فايتمن E و زيت Marula ، انه مكياج و مستحضر عناية بالبشره في الان نفسة "

تجربتي " انا نادرا جدا جدا جدا اني ادخل بودي شوب عشان اخذ ميك اب دايم ادخله عشان كريمات او مستحضرات عنايه بالبشره فقط ، لانه كنت اعتقد انه جودته مو ذاك الزود ومااعرف ليش هذي الفكره كانت في بالي ، وفي وحده من المرات كنت رايحه ابي مسكره الحواجب وكان بجنبه البلشر فجلست اجرب وعجبني كيف ملمسه مخملي وناعم جداا وسهل بالدمج ، وكان فيه منه 8 اللوان كلها طبيعيه ، اخذت لون اسمه Macroon لونه بين البتشي والبينك الطبيعي ، حلو اللون للصباح او اللوكات الطبيعيه ، حبيت فيه انك تقدرين تتحكمين بوضوح اللون اذا تبينه خفيف او قوي وواضح عن طريق انك تحطين كذا طبقه ، بدون مايكون كيكي او مبودر ، ماله اي ريحه يعني ينفع لصاحبات البشره الحساسه ، وبالنسبه لثباته يعتبر متوسط يعني من ساعتين لارباع ساعات .

انصح فيه للمداومات لانه يفيد البشره بنفس الوقت ، وبكذا انتي فدتي بشرتك يوميا بدل ماتضرينها ، وفوق ذا سعره حلو تحصلونه بمحلات بودي شوب