السلام عليكم ورحمه الله وبركاته 

اليوم بحكي عن ماركه كيلز اللي فجأه اجتاحت الاسواق والصور في السواشيل ميديا واغلب المشاهير يتكلم عنها، هل تستاهل الضجه هذي او لا ؟!!

المجموعه شريتها قبل ٨ شهور واكثر ، يعني الكلام اللي بقوله من بعد تجربه  ، مو دعايه او مع الخييل ياشقراء ، زي ماهو واضح بعض المنتاجات انتهت تقريبا راح افصل كل منتج شريته مماعاد كريم العين ابيه تبدوينه لوحده .

المنظف العميق Calendula Deep Cleansing Foaming Face Wash 

مكتوب عنه بموقع كيلز " منظف فعال للغاية يمنح البشره نعومة ، ليونة ، يزيل بلطف الشوائب والأوساخ، وزيوت البشره دون تجريد البشرة و آمن للبشرة الحساسة ، صيغته جل كريمي يتفاعل مع الماء لخلق رغوة غنية , البشره تبدو مباشرة مذهله ،

خالي الصابون ومن البارابين ."

تجربتي معه :

انا شريته ع مدح ميك اب ارتست وبلوقرز ، طيروه فوق وانه هو الحل الامثل للبشره الدهنيه والمختلطه ، وانه ينظف البشره بشكل عميق ومايبقي اي بقايا مكياج او اوساخ او زيوت ع البشره .

المنتج عادي جدا ، ماينظف بعمق ابداااا ، صح ينشف الدهون وكويس للبشره الدهنيه ، بس بالتنظيف لا ، مايزيل الميك اب ابدا من ع الوجهه ، ماينظفه لدرجه مااشيل هم بعده وانام ، اجلس ارجع بالتونر او قطنه نظيفه ع وجهي عشان اتاكد اذا فيه اي بقايا لميك اب ، وبالعاده احصل القطنه مليانه ميك اب .

مناسب لمين ؟

مناسب للبشره والمختلطه والدهنيه ،لس لازم تتاكدين من نظافه بشرتك بعده خاصه اذا كنتي حاطه ميك اب 

طريقه الاستعمال :

افضل انك تزلين الميك اب بمناديل ميك اب اول ، بعدين تبللين وجهك وتستخدمينه مثل اي غسول عادي  .

المنتج حلو بس للتنشيف زيوت البشره ، بس كاتنظيف عميق ماانصح فيه .

فيه منه ثلاث احجام (٢.٥ او ٧.٨ او ١٦.٩) الحجم اللي عنديالحجم (٧.٨) يوميا تقريبا استخدمه ومابعد خلص تقريبا واصل للنص لانه نقطه من المنظف تكفي وجهك كامل 

تونر CALENDULA HERBAL EXTRACT ALCOHOL-FREE

التونر واصفينه في موقع كيلز " صممت تركيبة هذا المحلول الفعال بمستخلصات عشبية فعالة لتهدئ وتنظف بلطف البشرات الطبيعية إلى الدهنية من دون استخدام الكحول أو عوامل صناعية قاسية تتسبب بالجفاف ،  يمكن استخدام مستحضر Calendula Herbal-Extract Toner لتهدئة وتحسين المناطق التي تعاني من مشاكل "

تجربتي معه :

التونر في البدايه حسيته عادي ، بس مع الوقت بديه الاحظ بشرتي كيف تنور بعده ، حبيته وحبيت ريحته خاصه انه فيه ورد يعتبر مهدى او ملطف للبشره يعني اذا بشرتك حساسه او قشرتي بشرتك بشكل عميق انصحك فيه لانه يهدي البشره ولطيف جدا عليها .

مناسب لمين ؟

مناسب للبشره والمختلطه والدهنيه والحساسه .

طريقه الاستعمال :

 بعد استخدام الغسول تمررين قطنه فيها التونر ع كامل بشرتك  .

تكلمت عن اهمية التونر في تدوينه سابقه *

فيه منه حجمين (١٢٥ او ٢٥٠) الحجم اللي عندي ٢٥٠ تقريبا كفاني يوميا لمده ٩ شهور 

انصح فيه للبشره الحساسه والدهنيه والمختلطه

مرطب الشفايف LIP BALM #1

واصفينه بموقع كيلز " لا يزال بلسم الشفاه الكلاسيكي الذي قدمته Kiehl's عام 1969، محافظاً على مكانته في تلطيف الشفاه لأكثر من 40 سنة. فهو مشبع بالفيتامين لمعالجة شفتيك، بينما يخلو من أي طبقة شمعية. بينما يحمي الشفاه ويرمم التشقق والأثلام لدى استخدامه. كما يحمي الشفاه من الجفاف الناجم عن تأثيرات الرياح والطقس البارد. فقد صمم هذا البلسم المسكن لأقصى حد ليحصن شفتيك من العوامل البيئية القاسية ويحافظ عليها ناعمة وطرية... ومثيرة! "

تجربتي معه :

المرطب حلو وبثواني يخفي جفاف الشفايف ، مو ثقيل ابدا ولاتحسينه جيل بالعكس خفيف وريحته حلو ، احب احطه قبل الارواج لانه تركيبته مو غليظه ، تركيبته كلها فايتمن يفيد الشفايف ويرطبها لساعات وساعات . 

انصح فيه مره للترطيب ، فيه منه حجم واحد

مناسب لمين ؟

لكل الناس .

طريقه الاستعمال :

زي اي مرطب شفايف دايركت ع شفايفك .

كريم مرطب للبشره الدهنيه والمختلطه تكلمت عنه قبل هنا

انصح فيه بالمره  

في نهايه الموضوع اغلب منتجاتهم مو طبيه زي ماهو مسوق لها ، هي تجميليه لا اكثر . 

انصحك انك تاخذي عبولا بحجم السفر افضل كاول مره .