اطلقت مؤخرا دار قوتشي عطرهم الاول بعد ما مسك الادراه أليساندرو ميشيل ، ومن المقدر تكون ارباح العطر 600 مليون دولار ، العطر يختلف عن العطور السابقة اللي نزلتها قوتشي سواء من ناحية الرائحه والتعبئه ، العطر مستوحى كثير من المصمم نفسه اليساندرو ميشيل و رؤيته لغوتشي و للمستهلك الفاخر .

يصنف العطر كعطر زهري ، اشتغل مع اليساندرو ع العطر مصمم العطور ألبرتو موريلاس ، يحتوي العطر ع الفل الطبيعي و مسك الروم الدرني والسوسن و الكيكوال الهندي المصدر من الهند حصريا لعطر قوتشي Bloom ،

شكل العطر جدا مميز وفنتج ، من زمان ماشفت عطر بهذا الشكل العملي الانيق ، مربعه بلون وردي فاتح مصنوعه من الخزف ، بالنسبه للتغليف الخارجي لعطر (العلبه الللي يجي فيها) فهي مستوحاه من طبعه الورد لدار قوتشي ،

نجي لتجربتي
العطر زي ماهو مكتوب انه زهري ومحتويات زهر بس حقيقي فخم مو زي اي عطر ثاني ، وملفت جدا ريحته مميزه تقدرين تميزنها بسرعه وتعرفين انه عطر Bloom ، ريحته فلل ع عنبر شي راييييق !! ثباته عالي جدا يجلس ع اللبس ويطول لايام ، بالنسبه لفوحانه يعتبر متوسط .

اللي يميز العطر طريقه الرش ، نفس الراس ال spray مايرش بشكل قوي لا ، يرش بشكل خفيف ومتصل ويطوووووول وهو يرش ، وهذي الميزه صممت عشان تضغطين مره وحده ع spray وتتمررينها ع جسمك  ويتوزع بشكل اوتومتيك ومن ضغطه وحده .... مررررره حبيتها حبيتها حبيتها توفر العطر بشكل مو طبيعي .


العطر ينفع صباحي وبعد مسائي اذا حابه شي رايق وربيعي ، فيه منه كذا حجم اللي معي 50ML وحجمه مناسب للشنط مو كبير وشكله يساعد بعد ، لانه بعض العطور تجي اشكالها هندسيه او غريبه فتاخذ حجم زياده .

تحصلون العطر سيفورا ،  سعره ب 411 وال 100ML ب567 ريال  (الموقع يوصل للبيت ويدعم الدفع عند الاستلام)