بلنك لاشز البراند السعودي اطلقت مؤخرا مجموعه فرش ميك اب ، فخورين بنجاح البراند جدا وبتطورهم لانه من جد الفرش جميلههه وتستاهل واسعارها بتناول الجميع .
بتكلم عن كل مجموعه ووين تحصلونها وكل شي
مجموعة الوجه
تحتوي ع أربع فرش
فرشة مسطحة للكونسيلر رقمها E02
حجمها حلو لكونسيلر اذا عندك بقعه وتبين تغطينها او لكوركتر لانها صغيره وتحدد بشكل جيد ، ولانها مسطحه فهي تمسك الكونسيلر السائل والكريمي وبعد يساعد بالموضوع ان شعر الفرشة صناعي ، بعد حلوه اذا استخدمتيها للبوادر لتثبيت الكونسيلر لانه راسها مدبب ويساعد بالزوايا
وحلوة مو بس للكونسيلر !! حلوه بعد لبرايمر العين او لتنظيف الحاجب لانه حجمها صغير ويساعد بالتحديد ، وبعد لكنتور الانف او الفم .
وفيه شي بنوهه عليه هنا اذا استخدمتيها لاي منتة كريمي لازم لازم تنظفينها بعده (لبشرتك اولا) وثانيا لانه بقايا المنتج الكريمي اللي ع الفرشه اذا نشفت واستخدمتي الفرشه ثاني راح تكتلك الميك اب (مو بس هذي الفرشه انا اتكلم عموما)
فرشة الإضاءة F04
حجم الفرشة يعتبر متوسطه ومقوسه شعرها قصير ، يعني تحطلك الاضاءه بوفره لانه حجمها يساعد وبتركيز الصح مناسب للخد لدقن ، مناسبه بعد للبيكنق تحت العين لانه شعرها قصير فماراح تناثر البودر او تحطه بمكان ثاني ، يعني تركيزها 10/10
اذا وجهك صغير فراح تناسبك ايضا كفرشة بلشر ، وتنفع تبخين عليها سبري لان شعرها صناعي فاراح تزيد تركيز المنتج البودر بدل ما تخفف منه عكس الشعر الطبيعي .
فرشة دمج الكنتور F05
هذي الفرشه لازم لازم تكون عند كل بنت هذي الببديل الارخص لفرشة MAKE UO FOR EVER ، تجنننننن لدمج الكنتور او البلشر الكريمي ، طولها رائع تساعد ان يدك تكون خفيفه ع الكنتور او البلشر .
ولانه شكلها مستقيم فتساعد الكنتور يندمج في مكانه ، شخصيا انا حبيتها جدا للبيكنق و الكنتور البودر ، تجنننننننننننن .
فرشة متعددة الاستخدام للخدود او بودرة الوجه F03
الفرشه تعتبر اكير فرشه بالمجموعه ، بس عموما حجمها متوسط ع فرشة بودر ، حلوه لتثبيت الوجه بالبودر او للتنظيف ، بعد تنفع للبلشر اذا وجهك كبير شوي
من
هنا تحصلينها بسعر91 ريال سعودي او بصيدليات النهدي
فرشة كريم الأساس F02
الفرشه هذي تغنيك عن فرش اساس كثيره ، اول شي هي عباره عن فرشه كابوكي شعرها قصير ، ومعروف اي فرشه شعره قصير يعني تركيز وضعها لللمنتج يكون عالي ، فبتالي الفرشه ذي تركيزها عالي بوضع الفونديشن او البيبي كريم ، وبعد حبيت انه دام تركيزها عالي بيخف استخدامك لكمية الفونديشن فبيصير الموضوع اقتصادي ، ويطلع مظهر الفونديشن حلو ومو مكتل .
قصتها تساعد بالزوايا خاصه عند الانف او الحواجب ، ويمديك تستخدميها للكونسيلر بعد تحت العين .
جربتها لكذا شي حتى للكنتور الكريمي ، تجننن تجننن هذي الفرشه works like a DREAM .
نجي للفنشنق ، هل تطلع خطوط ؟ اي فرشه تطلع خطوط ، الشطاره بطريقة استخدامك لازم تكون يدك خفيفه وباتجاه واحد لخارج الوجه ، واذا حسيتي انه في خطوط مضايقتك طبطبي فيها وبيختفي .
من
هنا تحصلينها بسعر67 ريال سعودي او بصيدليات النهدي
فرشة البلاشر الممائلة F01
الفرشة حجمها متوسط تنفع لكذا شي ، لتثبيت الفونديشن او التوزيع او للبلشر او حتى لتنظيف الوجه ولانها مقوسه ومزدوجة (شعرها مو بنفس الطول ) فانصح فيها مره ، بيرفكت لكنتور او البرونزر او البلشر ، حجمها يساعد متناثره وبقصه مائله ، تنفع تستخدمينها في كذا مكان مثلا كنتور للجبهه او الفك ، او برونزر و بلشر للخد
من
هنا تحصلينها بسعر62 ريال سعودي او بصيدليات النهدي
فرشة الإضاءة F06
حجمها رائع لاضاءة عظمه الخد ، او عظمه الانف ، لانه شعرها طويل وقليل عكس فرشة الإضاءة F04 .
يعني تحطلك الاضاءه بالمكان الصح وبتركيز عالي، تدمج بسهوله المنتج وهذا شي بتلاحظينه ع طول ، ويمديك مو بس تستخدمينها للهايلايتر تنفع بعد لتثبيت تحت العين .
من
هنا تحصلينها بسعر58 ريال سعودي او بصيدليات النهدي
مجموعة العين
تحتوي ع خمس فرش
فرشة تحديد العين E04
شعرها قصير وعرضها يعتبر سخيف ، مناسبه لوضع الشادو بتركيز عالي جدااااا للجفن المتحرك او لمدع العين ، وبعد جيده للدمج الايلاينر او الكحل ، ولانه شعرها قصير تقدرين تستخدمينها لتحت العين بخط الرموش السفليه .
فرشة قصيرة لدمج اللون بخط الرموش E03
الفرشة نحيييففه وشوي قاسيه وشعرها طوله متوسط ، صممت لدمج الشدو او الكحل ع خط الرموش ، بس في عالم الميك اب تقدرين تستخدمين كل شي بشكل مختلف ، مثلا تنفع لتنظيف الحاجب تحت العين بالكونسيلر لان نهايتها بشكل متسقيم ، او لرسمه الحاجب بالشادو ، يعني الفرشه هذي لها اكثر من استخدام وتفك ازماتتت
بالنسبه لاستخدامها مفرشه دمج فهي حلوه ومناسبه جداا بعد طولها حلو عرشها حلو قسواتها بعد .
فرشة القلم لتظليل دقيق على الجفن E05
الفرشة ماتستخدم لكل لوك ، الا اذا حابه يكون اللوك سموكي ، لانه تحدد عظكه الجفن بشكل قوي وبشكل مركز بسبب قصر شعرها وكثافته ، تعطيك شكل Vالخارجيه بشكل واضح او للشدو الواضح تحت العين ، مناسبه للوكات القويه .
الفرشة الوحيده اللي بالمجموعه تنباع منفصله ، فرشة الدمج لازم تكون عند كل بنت ، مهمه جدا جدا ، نجي للفرشه هذي حجمها بيرفكتتت نفس حجم 224 من M.A.C يعني البديل الارخص ، ممتازه لدمج اللاوان الانتقاليه ع عظمه الجفن ، او لدمج الشدوهات ، حجمها ومقاسها يسعفك كثير بالشغل MUST HAVE !!
هذي ادق واقصر وانحف من فرشة الدمج الظل E06 .
تعطي تدرج للشادو بعد استخدام فرشة الدمج الظل E06 ، حلوه لعظمه الجفن ، اذا عينك صغيره هدي بتناسبك فرشة الدمج الظل عامه
من
هنا تحصلينها بسعر81 ريال سعودي او بصيدليات النهدي
نجي للباكجنق كوتون ابيض وبنك ومنقط مرتب مره وانثوي ، فيها اسامي الفرشه بدون الارقام حبيت لو كانت فيها لانه فيه بنات ماعندهم خبره بانواع الفرش .
الفرش تجي بعلبه بلاستك سهله الفك (لا ترمينها اذا غسلتي الفرشه رجعيها فيها تخافظلك ع الشكل)
واخر شي شكل الفرشه كيوت ، ناعم حبيت اضافة لون الروزقولد تحلي التسريحه ومميزه تحصلينها بسهوله بين مجموعه فرشك ، بالنسبه للغسيل سهل جدا لانه الشعر صناعي (عكس الطبيعي) ماطاح الشعر معي الحمدالله ، بس لاحظت انه لازم بعد تنظفين الجزء الابيض .
وبس تقريبا هذا كل شي ، سو بليز بدل دعم للبراند اجنبي زي ريال تكنيك ادعموا براند سعودي منكم وفيكم .
