حاولت ابحث عن قصة العطر او الالهام بس لاسف ماحصلت ، العطر خالي من الكحول امن ع الشعر وع الاطفال بعد  ، لان الكحول تسبب جفاف للشعر وللبشره .

نجي لوصف العطر كالعاده العطور مكونه من ثلاث طبقات تفصل بينهم الفتره الزمنيه

الطبقة الاولى  (هذي الطبقه تكون اول شي تشمينه بعد رش العطر ع شعرك ): روز البلغارية و جاردينيا
الطبقة الثانية ( بعد فتره من الزمان تبدأ تبان هذي الطبقة ) : المسك ونجيل الهند
الطبقه الاخيرة (بعد مايهدأ العطر الطبقه هذي اللي تشمينها وتعتبر الاساس) : عصفور الارز وخشب الصندل


بالنسبه لثباته يعتبر ضعيف لمتوسط ، تقريبا يجلس بشعري من ساعه لساعه ونص بالكثير
والفوحان كذالك ، مايعتبر فايح اللي لما تمشين شعرك ريحته حلوه و تفوح عطر ، لا بس اللي بجنبك يلاحظ ، ويلاحظ بس خشب الصندل بشكل مركز اكثر من اي ريحه ثانيه .

ريفيو اليوم بيكون عن منتج تقريبا تقريبا اذا مو الكل يحتاجه ، معالج لكثافة الرمش ومطول ومقوي بنفس الوقت ، بسبب اني اللبس رموش صناعيه كثير وبمقدار شبه يومي فرموشي الطبيعية طاحت من الغراء وشبه شبه صلعت عيوني ، فكنت ابحث كثير عن منتج يساعد ع نمو الرموش ويزيد كثافتها مو بس يطولها ، وحصلت منتج وجربته وخلصته وبطلب مليون علبه منه .

 السلام عليكم ورحمه الله بوركاته

الفيديو نزل ع قناتي اخيرا ، حبيت يكون شي بسيط واللقنت وينفع لنهار العيد او اي مناسبه بشكل انيق ومو متكلف ، اهم شي قبل اي مناسبه سوي سكراب او تقشير لبشره وجهك بشكل عميق باي ماسك يناسبها ورطبيها بماسك عشانالميك اب يطلع جميل ونظيف ، واهم نقطه بعد وبر الوجهه يفضل انك تشيلينه بموس او اذا حابه فتله او واكس جربي قبلها باسبوع عشان مايحبب بشرتك او اذا فيه اي حروق امداها تخف، اخليكم مع الفيديو والمنتجات كلها تحت مع روابط توصل لسعوديه وتدعم الدفع عند الاستلام .



استخدمه ماسك الهينالايان من بودي شوب الماسك يقشر الوجهه وينظفها بشكل عميق تحصلونه في محلات بودي شوب بسعر ١٢٥ ريال
مرطب الوجه من كيلز للبشره المختلطه والدهنيه سويت عنه ريفيو كامل هنا
برايمر من ديور اسمه DIORSKINFOREVER & EVER WEAR البرايمر هذا مناسب لجلسات التصوير الطوييله من هنا ب٢١٠ ريال من موقع وجوه يوصل لسعوديه ويدعم الدفع عند الاستلام .
فونديشان kiko Universal fit hydrating foundation للاسف مافيه موقع يوصل للسعوديه تحصلونه بمحلاتهم باوربا او بالامارات .


بالت كونسيلر وكوركتو من M.A.C بدرجه DARK MEDIUM من هنا تقدرين تطلبينه و يوصل لبيتك بسعر ٢٣٧ريال

كونسيلر نارس اشهر منتج عندهم و الاكثر مبيعا ، واقولكم من الحين المنتج يستاهل كل كلمه بحقه ، بما انه موسم اجازه وسفر وزواجات بكتب ريفيو عن منتج يستاهل انك تشترينه للصيف تغطيته وثباته رائع .




وصف بموقع نارس : خافي عيوب كريمي قادر على تغطية العيوب بشكل فوري ، عاكس للضوء يعطي ليونه و نعومه لسطح الجلد ، مناسب لجميع أنواع البشرة ، يخفي علامة تقدم السن و الخطوط الدقيقة و الهلالات السوداء ، سلس الاستخدام  ، طبقة خفيفة من المستحضر تعطي تغطية متوسطة إلى كاملة  قابل للبناء بشكل طبيعي ، خالي من بارابين و كبريتات و الفثالات غير مسبّب للرؤوس السوداء. كما أنّه خالٍ من الكحول والعطور .

السلام عليكم ورحمه الله وبركاته

اليوم بحكي عن منتج وصلني وحبيته من اول استخدام وهذا الشي نادر يصير ، من جد يستاهل كل المدح من اليوتيوبر مايا احمد ، زبده الشيا انتشرت الفتره الاخيره بشكل مو طبيعي ومو كلها طبيعيه وبعضها يضر اكثر من انه يفيد بسبب المواد الكميائيه المضاف له او بسبب التكرار للزبده او تسبب حساسيه بسبه العطور المضاف لها لانه زبده الشيا الصافيه ريحتها شينه نوعا ما  ، بس الزبده اللي بحكي عنها اليوم طبيعيه مو مكرره اهم شي ومضاف لها فايتمن وزيوت عطريه تعطي ريحه مميزه لكل نوع من ال١٢ جره .




زبده الشيا الطبيعيه لها فوائد تجميليه وعلاجيه مثل تعالج الاكزيما وطفح الجلد وعلامات تمدد الجلد والندوب ولدغ الحشرات والحروق ، بالنسبه للتجمليه فمعروف انها تحفز الكولاجين بالبشره ومع الوقت تفتح المنطقه والترطيب يقلل من لتجاعيد ، بالنسبه للشعر فهي تعتبر بلسم للشعر ولفروه الراس الملتهبه ، وبالنسبه للرموش هفي تزيد من سماكتها وطولها وهذا الشي كل البنات يبونه بس اهم شي تكون طبيعيه بدون اي اضافات كميائيه مثل زبده شيا جار ، واللي تعاني من الهالات بيخفف منها بسبب فايتمن e الموجود بالزبده و الاظافر لها نصيب يحميها من التكسر ، هذي النتايج كلها تجي مع الاستمرار ولازم تكون اصليه وطبيعيه مو مكرره ولا مضاف لها شي كميائي ، يعني لازم تنقين الزبده ممن مكان متخصص مثل براند شيا جار الزبده مو مكرره يعني مو مهدرجه او مضاف لها روائح كميائيه ، لا كله طبيعي حتى الرويح المضاف لها هي زيون عطريه طبيعيه .

جاتني قبل شهرين تقريبا سله فيها ثلاث جرات باجمل تغليف ، كلها بريحه بودره الاطفال تجنننننننننن ، الزيده تذوب ع طوللللل اذا دفيتيها بيدينك ، ماتدبك ابدا ابدا ابدا ابدا ع طول الجسم يتشربها ، ترطب وتعطي لمعه حلوه للجسم وريحه حلوه ، وفوق ذا البكجنق يقتل ويساعد مرره ، تقدرين تحطينه باي مكان شنطه تسريحه حجم مرره مناسب .

نجي للنتايج الترطيب مره حلو ، بالنسبه للبقع او الاثار خفف منها خاصه منطقه حد الكعب من ورا في رجلي (ماقد جربت كعب حلو مايجرح ) خفف منها مرههه  ، تقريبا جره وحده كفت لجسمي شهر كامل ، استخدمته ع شعري بعد الشامبو زي الماسك ، اللي لاحظته رطب شعري مرره  بس الفروه مانسبتها كثير دهنت بزياده لانه فروه شعري خلقه دهنيه ، فققرت استخدمه بس ع الاطراف .

نجي لاهم شي بكم ومن وين ... بكم يختلف  حسب الريحه او الزيت العطري المضاف له ، هم ١٢ نوع ١٠ منهم ب١٧ دولار (تقربلا ب٦٥ ريال) اللي هم (ريحه بودره الاطفال - ياسمين - لافندر- باتشولي - شجره الشاهي الاخضر- فانيلا -البرتقال الحلو -الليمونيه -غرنوقي ) فيه كم نوع مو موجود بالموقع ينباع بالبوتيك او بحسابهم ع الانستا ، ونوعين ب٢٧ دولار (تقريبا ب١٠٣ ريال) اللي هم (عود - مسك) .

تقدرون تطلبونها من الموقع هنا او من حسابهم ع الانستاقرام