Narciso Hair Mist / عطر الشعر من نارسيسو
السلام عليكم ورجمه الله وبركاته
اليوم التدوينة بتكون خفيفة وبسيطة عن عطر الشعر من نارسيسو وكم نصيحه لتثبيت العطر لاطولة فتره ممكنه .
حاولت ابحث عن قصة العطر او الالهام بس لاسف ماحصلت ، العطر خالي من الكحول امن ع الشعر وع الاطفال بعد ، لان الكحول تسبب جفاف للشعر وللبشره .
نجي لوصف العطر كالعاده العطور مكونه من ثلاث طبقات تفصل بينهم الفتره الزمنيه
الطبقة الاولى (هذي الطبقه تكون اول شي تشمينه بعد رش العطر ع شعرك ): روز البلغارية و جاردينيا
الطبقة الثانية ( بعد فتره من الزمان تبدأ تبان هذي الطبقة ) : المسك ونجيل الهند
الطبقه الاخيرة (بعد مايهدأ العطر الطبقه هذي اللي تشمينها وتعتبر الاساس) : عصفور الارز وخشب الصندل
بالنسبه لثباته يعتبر ضعيف لمتوسط ، تقريبا يجلس بشعري من ساعه لساعه ونص بالكثير
والفوحان كذالك ، مايعتبر فايح اللي لما تمشين شعرك ريحته حلوه و تفوح عطر ، لا بس اللي بجنبك يلاحظ ، ويلاحظ بس خشب الصندل بشكل مركز اكثر من اي ريحه ثانيه .
بالنسبة لحجم مناسب جدا للشنطه اليد او الميك اب 30 ملل
والباكجنق كيوت زي منتو شايفين
فيه يمكن ٥ انواع من عطر الشعر لنارسيسو فيه بالعود وفيه بالورد الخالص الخ .. اختاري اللي يعجبك واستخدامه سهل بخيه دايركت ع شعرك او ع فرشة الشعر ومشطي شعرك .
هل ارجع اشتريه ثاني ؟ لا لاني ابحث عن شي اقوى في ثباته
بالنسبه اذا تبين العطر يطول بشعرك لاقصى فتره ممكنه ، استخدميه وشعرك مبلل او بعد بلسم Leave on للشعر ، لان الشعر يثبت بالشعر اذا كن مرطب .
اشتريته من فافايوم ب 150 ريال
وش افضل عطر شعر عندك ؟
0 التعليقات:
إرسال تعليق